ধুবুৰী, 6 অক্টোবৰ: 29 ছেপ্টেম্বৰৰ দিনা ধুবুৰীত সংঘটিত হৈছিল এক শোকাৱহ নাও দুৰ্ঘটনা ৷ দুৰ্ঘটনাত প্ৰাণ হেৰুৱাইছিল ধুবুৰী ৰাজহ চক্ৰ বিষয়া সঞ্জু দাসে (Circle officer Sanju Das body found) ৷ ঘটনাটো সংঘটিত হোৱাৰ দিনা অৰ্থাৎ ২৯ ছেপ্টেম্বৰত গৰাখহনীয়া অঞ্চল পৰিদৰ্শন কৰিবৰ বাবে ওলাই গৈছিল চক্ৰ বিষয়াগৰাকী ৷
এজন লাট মণ্ডল আৰু এজন কৰ্মচাৰী লগত লৈ ধুবুৰীৰ আমিনেৰ চৰৰ খহনীয়া অঞ্চলৰ ক্ষয়-ক্ষতিৰ বুজ লৈ দহ বজাত নিজৰ কাৰ্যালয়ত উপস্থিত হোৱাৰ লক্ষ্য আছিল বুলি জানিবলৈ পোৱা গৈছে ৷ কিন্তু এক অনাকাংক্ষিত ঘটনাই যেন সলায় দিলে সকলো (Dhubri Boat Capsize) ৷
সম্পূৰ্ণ চাৰিদিন অৰ্থাৎ প্ৰায় 72 ঘণ্টা পাছত বিষয়াগৰাকীৰ মৃতদেহ উদ্ধাৰ হয় (Dhubri circle officer Sanju Das died in dhubri boat accident) ৷ দুৰ্ঘটনাস্থলীৰ পৰা প্ৰায় এক কিল'মিটাৰ নিলগত উদ্ধাৰ হয় সঞ্জু দাসৰ মৃতদেহ ।
অভিশপ্ত নাও দুৰ্ঘটনাত কৰুণ মৃত্যুক আঁকোৱালি লোৱা ধুবুৰী ৰাজহ চক্ৰ বিষয়া সঞ্জু দাসক আজি শ্ৰদ্ধাৰে সুঁৱৰিছে ধুবুৰী জিলা প্ৰশাসনে (Pays tribute to Sanju Das) ৷ চক্ৰ বিষয়াৰ কাৰ্যালয়ত আয়োজন কৰা এক শ্ৰদ্ধাঞ্জলী অনুষ্ঠানত উপায়ুক্তকে ধৰি বিষয়া কৰ্মচাৰীসকলেও জ্ঞাপন কৰে শেষ শ্ৰদ্ধাঞ্জলি ।
ধুবুৰী জিলা প্ৰশাসনৰ উদ্যোগত চৰকাৰী নিৰ্দেশনা অনুযায়ী ধুবুৰী ৰাজহ চক্ৰ কাৰ্যালয়ত এক শোকাকুল পৰিৱেশৰ মাজেৰে শ্ৰদ্ধাঞ্জলী জ্ঞাপন কৰা হয় । ধুবুৰী জিলা উপায়ুক্ত আন্বামুথন এম পিৰ লগতে অতিৰিক্ত উপায়ুক্ত তথা ধুবুৰী ৰাজহ চক্ৰৰ কৰ্মৰত বিষয়া কৰ্মচাৰীসকলে হাতে হাতে মমবাতি জ্বলাই শ্ৰদ্ধাঞ্জলী জ্ঞাপন কৰে । ইফালে দুৰ্ঘটনাটোৰ ন্যায়িক তদন্ত চলি থকা বুলিও জনায় ধুবুৰী জিলা উপায়ুক্তগৰাকীয়ে ।
লগতে পঢ়ক: নাও দুৰ্ঘটনাত মৃত্যু হোৱা চক্ৰ বিষয়া সঞ্জু দাসলৈ ছাত্ৰ মুক্তি সংগ্ৰাম সমিতিৰ শ্ৰদ্ধাঞ্জলী
