ধুবুৰী, ২ জুলাই: ধুবুৰীৰ ৰাজপথত আপোনজনক বিচাৰি নাপাই এগৰাকী মহিলা আৰু এজন যুৱকে হিয়া ঢাকুৰি কান্দিছে । কিয়নো মহিলাগৰাকীয়ে হেৰুৱাইছে স্বামীক আৰু যুৱকজনে হেৰুৱাইছে পত্নীক । নিৰুদ্দেশ হোৱা বুলি বিচাৰি আহি পালে বেয়া খবৰহে(Mysterious disappearance in Dhubri) । মহিলাগৰাকীৰ স্বামীয়ে পলুৱাই নিলে যুৱকজনৰ পত্নীক । ইয়াকে লৈ হিয়া ঢাকুৰি কান্দিছে দুয়ো (little confused) ।
দৰাচলতে ধুবুৰীৰ ভাৰত বাংলাদেশ সীমান্তৰ পোৰাৰচৰ গাঁৱৰ বাবু শেখ নামৰ যুৱকজনৰ পত্নী ৰেষ্মী খাতুনে বৃহস্পতিবাৰে ধুবুৰীৰ এটা বেংকৰ পৰা ধন উলিয়াবলৈ আহিছিল । কিন্তু বেংকৰ পৰা ৬০ হেজাৰ টকা উঠোৱাৰ পিছৰ পৰা নিৰুদ্দেশ হৈ আছে ৰেষ্মী । সেয়ে যুৱকজনে ধুবুৰী চহৰত উপস্থিত হৈ বিভিন্ন ঠাইত বিচাৰ খোচাৰ চলাই অৱশেষত ধুবুৰী সদৰ আৰক্ষী থানাত দাখিল কৰে এখন এজাহাৰ ।
ইফালে একে সময়ৰ পৰাই সন্ধানহীন হৈ আছিল মহিলাগৰাকীৰ স্বামী ৰকিদুল হক । মহিলাগৰাকীয়েও স্বামীক বিচাৰি উপস্থিত হয় ধুবুৰী চহৰত । স্বামীক বিচাৰি নাপাই কান্দি কান্দি ঘূৰি ফুৰিলে ধুবুৰী চহৰত । পিছে বাবু শেখ নামৰ যুৱকজনক লগ পোৱাৰ পাছতে ওলাল উৰহীৰ ওৰ । মহিলা গৰাকীৰ স্বামী ৰকিদুলে পলুৱাই লৈ গ'ল বাবু শেখৰ পত্নী ৰেষ্মী খাতুনক । ইয়াকে লৈ স্বামীহাৰা পত্নী আৰু পত্নীহাৰা স্বামীয়ে ধুবুৰীৰ ৰাজপথতে নিগৰালে চকুলো ।
জানিব পৰামতে ৰকিদুল হকৰ আছে পূৰ্বৰ দুগৰাকী পত্নী আৰু তিনি সন্তান । আনপিনে ৰেষ্মী খাতুনৰো আছে এটি কণমানি পুত্ৰ সন্তান । সেয়ে স্বামী আৰু পত্নীক হেৰুৱাই এইদৰে ব্যকুল পৰিছে দুয়ো । এতিয়া পৰৱৰ্তী সময়ত এই বিষয়ে কি পৰ্যায় পায়গৈ সেয়া হ'ব লক্ষণীয় ।
লগতে পঢ়ক: ৰঙাপৰা ধূলাপাদুং চাহ বাগিচাত পৱিত্ৰ ৰথযাত্ৰা মহোৎসৱ
