ধেমাজি, 9 ডিচেম্বৰ: ধেমাজি জিলাৰ মিলন নগৰত বুধবাৰে আবেলি সংঘটিত হয় এক ভয়ংকৰ অগ্নিকাণ্ডৰ ঘটনা ৷ নিমিষতে জুইৰ লেনিহান শিখাই আগুৰি ধৰে এটা বাসগৃহ ৷ জানিব পৰা মতে মিলন নগৰৰ আব্দুল হামিদ নামৰ লেপ-তূলিৰ ব্যৱসায় কৰা লোকজনৰ ঘৰত সংঘটিত হয় এই অগ্নিকাণ্ড ৷
উল্লেখ্য যে বাসগৃহৰ পদূলিটো সৰু হোৱাৰ বাবে অগ্নিনিবাপক বাহিনীৰ ডাঙৰ গাড়ী প্ৰৱেশ কৰাত পলম হয় ৷ যাৰ বাবে অগ্নিকাণ্ডই ক্ৰমাৎ ভয়ংকৰ ৰূপ ধাৰণ কৰে ৷ ইফালে বহু পলমকৈ দুখন সৰু অগ্নিনিবাপক বাহিনীৰ গাড়ীৰ জুই নিবাপন কৰিবলৈ চেষ্টা চলায় যদিও সম্পূৰ্ণৰূপে নিবাপন কৰিবলৈ সক্ষম নহয় ৷ জুইৰ লেনিহান শিখাই আগুৰি ধৰা ঘৰটোত লক্ষাধিক মূল্যৰ সা-সম্পত্তি ভস্মীভূত হোৱাৰ সন্দেহ প্ৰকাশ কৰিছে স্থানীয় লোকে ৷
লগতে পঢ়ক:আঞ্চলিকতাবাদী পোছাক পিন্ধিলে উচ্চপদস্থ বিষয়া আৰু ছাত্ৰ নেতাই
