দৰং,16 ডিচেম্বৰঃ দৰঙৰ আলগাচৰত জৰুৰীভাৱে অৱতৰণ কৰে ভাৰতীয় সেনাবাহিনীৰ এখন হেলিকপ্টাৰে ৷ কাৰিকৰী বিজুতিৰ বাবে আলগাচৰৰ মাটিমাহৰ খেতিৰ ওপৰত জৰুৰীভাৱে অৱতৰণ কৰিব লগা হয় হেলিকপ্টাৰখন ৷ আনহাতে, হঠাৎ হেলিকপ্টাৰখন পথাৰত এনেদৰে অৱতৰণ কৰাত শংকিত হৈ পৰে স্থানীয় ৰাইজ ৷ হেলিকপ্টাৰখনৰ পাইলটজনে নিজকে ভাৰতীয় বুলি পৰিচয় প্ৰদান কৰাৰ পাচতে সহায়ৰ বাবে আগবাঢ়ি আহে স্থানীয় ৷ বিকল হোৱা হেলিকপ্টাৰখন গুৱাহাটীৰ পৰা তেজপুৰৰ মিছামাৰীলৈ গৈ আছিল বুলি জানিবলৈ দিয়ে পাইলট গৰাকীয়ে ৷
দৰঙৰ মাটিমাহৰ খেতিৰ ওপৰত জৰুৰীভাৱে অৱতৰণ হেলিকপ্টাৰ
উল্লেখ্য যে,বিকল হোৱা হেলিকপ্টাৰখন উদ্ধাৰ কৰিবলৈ সেনাবাহিনীৰ আন তিনিখন হেলিকপ্টাৰ অৱতৰণ কৰে সেই একে স্থানত ৷ প্ৰায় এক ঘন্টাৰ পাচত বিকল হোৱা হেলিকপ্টাৰখন মেৰামতি কৰি তাৰ পৰা উৰা মাৰে সেনাবাহিনীৰ চাৰিখনকৈ হেলিকপ্টাৰ ৷
