মৰাণ, 26 জুলাই : অসম আৰক্ষীৰ এক চাঞ্চল্যকৰ অভিযান ৷ ভৰা নদীত খেদি খেদি আৰক্ষীয়ে আটক কৰিলে এজন কুখ্যাৎ ড্ৰাগছ সৰবৰাহকাৰীক ৷ অৱশেষত চৰাইদেউ জিলাৰ সোণাৰি আৰক্ষীৰ জালত পৰিল কুখ্যাত ড্ৰাগছ সৰবৰাহকাৰী(Drugs peddler) শুভ্ৰজিৎ দেৱ ওৰফে বাবু দেৱ ৷
দেওবাৰে সোণাৰি আৰক্ষীৰ এক বিশেষ অভিযানত এইদৰে জালত পৰিল কুখ্যাৎ অপৰাধী জন ৷ ড্ৰাগছৰ লগতে ভাং সৰবৰাহৰ সৈতে জড়িত সোণাৰিৰ তিনি নং ৱাৰ্ডৰ নিবাসী বাবু দেৱ দীৰ্ঘদিন ধৰি আৰক্ষীৰ লক্ষ্য হৈ আছিল ৷ কিন্তু আৰক্ষীৰ চক্ষুৰ পৰা পলাই ফুৰিছিল বাবু দেৱে ৷
লগতে পঢ়ক : নিচাসক্ত পুত্ৰই আক্ৰমণ চলালে পিতৃ-মাতৃক
কিছুদিন পূৰ্বে শিমলুগুৰি ৰেল ষ্টেচনত আটক কৰা দুটা ড্ৰাগছ সৰবৰাহকাৰীয়ে জেৰাত এই ব্যৱসায়ৰ সৈতে জড়িত বাবু দেৱৰ কথা স্বীকাৰ কৰিবলৈ বাধ্য হৈছিল ৷ নিজৰ দুই সহযোগী আৰক্ষীৰ জালত পৰাৰ লগে লগে সতৰ্ক হৈছিল বাবু ৷ আৰক্ষীৰ জালত পৰা নিজৰেই সহযোগীয়ে যে তেওঁৰ নাম আৰক্ষীৰ আগত প্ৰকাশ কৰিব সেই কথাৰ যেন উমান পাইছিল বাবু দেবে ৷
যিকোনো সময়তে আৰক্ষীৰ জালত পৰাৰ সম্ভাৱনীয়তা দেখি আত্মগোপন কৰা আৰম্ভ কৰি দিছিল শুভ্ৰজিৎ ওৰফে বাবুৱে ৷ অৱশ্যে, দুই সহযোগীৰ পৰা স্বীকাৰোক্তি লাভ কৰাৰ পিছতেই অসম আৰক্ষীয়েও আৰম্ভ কৰি দিছিল কুখ্যাৎ ড্ৰাগছ সৰবৰাহকাৰীজনৰ সন্ধান ৷ পিছে, আত্মগোপন কৰি থকা অৱস্থাত ড্ৰাগছ ব্যৱসায়ৰ সৈতে দীৰ্ঘ সময় ধৰি জড়িত অপৰাধী জনৰ সন্ধান উলিওৱা সহজ কথা নাছিল আৰক্ষীৰ বাবে ৷
লগতে পঢ়ক : এটি ম’বাইল ফোনৰ বাবেই অপদস্থ কিশোৰী
অৱশেষত হাতত আহি পৰা এক বিশেষ খবৰৰ ভিত্তিত দেওবাৰে সোণাৰি আৰক্ষীয়ে বাবুৰ বিৰুদ্ধে এক অভিযান চলায় ৷ লক্ষ্যণীয়ভাৱে আৰক্ষীৰ এই অভিযানৰো খবৰ লাভ কৰিছিল কুখ্যাৎ অপৰাধীজনে ৷ আৰক্ষীৰ অভিযানৰ খবৰ লাভ কৰি তেওঁ সোণাৰিৰ টাওকাক নৈ পাৰ হৈ পলায়ন কৰিবলৈ চেষ্টা চলায়, পিছে সুযোগৰ সু-ব্যৱহাৰ কৰি বাবুক খেদি খেদি ধৰিবলৈ সক্ষম হয় আৰক্ষী৷ সম্প্ৰতি সোণাৰি আৰক্ষীৰ তত্বাৱধানত থকা অপৰাধী জনক আৰক্ষীয়ে জেৰা চলাই থকাৰ কথা জানিব পৰা গৈছে ৷
লগতে পঢ়ক : মহিলাৰ নেতৃত্বতেই ৰাজ্যত সক্ৰিয় হৈছে নাৰী দেহ ব্যৱসায়
