বৰপেটা, 13 আগষ্ট : ‘‘আমি বগা চাহাবক খেদিলো ঠিকেই; কিন্তু দেশৰ সম্পদ একাংশ পুঁজিপতিয়ে কুক্ষিগত কৰি ৰাখিছে ৷ দেশৰ স্বাধীন হোৱাৰ পাচতো দেশৰ সকলো নাগৰিকে স্বাধীনতাৰ সুফল ভোগ কৰিব পৰা নাই’’ ৷ শুকুৰবাৰে বৰপেটাত উপস্থিত হৈ এই সংবাদ মাধ্যমৰ আগত এই মন্তব্য কৰে বাঘবৰ সমষ্টিৰ বিধায়ক শ্বেৰমান আলী আহমেদে (Sherman Ali Ahmed criticized BJP govt)৷
লগতে তেওঁ কয়, ‘‘বিজেপি নেতৃত্বাধীন চৰকাৰখনে বিগত 7 বছৰত দেশৰ সম্পদ বিক্ৰী কৰাৰ লগতে বিজেপিৰ ঘনিষ্ঠ একাংশ পুঁজিপতিৰ কোটি কৌটি টকাৰ বেংক ঋণ মাফ কৰি দিছে ৷ লগতে আন একাংশই দেশৰ ধন লুটি বিদেশলৈ পলাই গৈছে ৷ ফলত দেশৰ অৰ্থনীতি ভাঙি পৰিছে’’ ৷
বিধায়কগৰাকীয়ে আৰু কয়, ‘‘চলিত বছৰটোক যদিও স্বাধীনতাৰ অমৃত মহোৎসৱ বুলি কোৱা হৈছে, কিন্তু স্বাধীনতাৰ এই অমৃতৰ সোৱাদ সকলো নাগৰিকে উপভোগ কৰিব পাৰিলে ভাল আছিল ৷ যিটো হৈ উঠা নাই’’ ৷ অৱশ্যে শাসনাধিষ্ঠিত চৰকাৰখনে জাৰী কৰা হৰ ঘৰ ত্ৰিৰংগা (Har Ghar Tiranga) কাৰ্যসূচীৰ প্ৰতি সমৰ্থন জনাই বিধায়ক শ্বেৰমান আলী আহমেদে ৷
লগতে পঢ়ক : অমৃত মহোৎসৱৰ এই প্ৰচেষ্টা আদৰণীয়
