জনীয়া, 8 নৱেম্বৰ: ৰাজ্যত এতিয়াও অব্যাহত আছে খহনীয়াৰ কালৰূপ ৷ প্ৰতি বছৰে অহা বানৰ সমান্তৰালকৈ খহনীয়াৰ তাণ্ডৱত দিশহাৰা হৈ পৰে নৈপৰীয়া ৰাইজ ৷ বান আৰু খহনীয়াই প্ৰতি বছৰে জলাকলা খুৱাই অসমৰ নৈপৰীয়া লোকক (Natural disaster in Assam) ৷ বাৰিষা নৈৰ বুকু উফন্দি উঠিলেই প্লাৱিত হয় নৈৰ দুয়োপাৰৰ বিস্তীৰ্ণ অঞ্চল ৷
বানে ঘৰ-বাৰী, খেতি পথাৰ বুৰাই ব্যাপক ক্ষতি সাধন কৰে ৰাইজৰ (Flood in Assam) ৷ বানৰ পাছত আকৌ ভূতৰ ওপৰত দানৱ পৰাদি খহনীয়াই এফালৰ পৰা ঢাঁহি-মুহি নিয়ে খেতি পথাৰ তথা নৈৰ পাৰত বসতি স্থাপন কৰা লোকসকলৰ বাসগৃহ (Erosion in Assam) ৷ এনেদৰেই নৈৰ বুকুত লীন হৈ যায় বহুলোকৰ সপোন ৷ নৈৰ বুকুত ঘৰ-বাৰী খহনীয়াত জাহ যোৱাত দিশহাৰ হৈ পৰে একাংশ দৰিদ্ৰ পৰিয়াল ৷ ফলত তেওঁলোকৰ ভৱিষ্যত জীৱনৰ প্ৰতি নামি আহিছে চৰম ভাবুকি ৷
বৰপেটা জিলাৰ কলগাছিয়া ৰাজহ চক্ৰৰ অন্তৰ্গত খাৰবাল্লী গাঁৱত বিগত কেইবামাহ ধৰি অব্যাহত আছিল খহনীয়া (Erosion in Kalgachia)। এই বিষয়ে যোৱা সময়চোৱাত ই টিভি ভাৰতত ধাৰাবাহিকভাৱে বাতৰি সম্প্ৰচাৰ কৰি অহা হৈছে যদিও আজিলৈকে এই সমস্যাবোৰ দৃষ্টিগোচৰ নহ’ল চৰকাৰ কিম্বা বিভাগীয় কৰ্তৃপক্ষৰ ৷
উল্লেখ্য যে বৰপেটা জিলাৰ কলগাছিয়া ৰাজহ চক্ৰৰ মাজেৰে বৈ যোৱা বেকী নদীয়ে যোৱা কেইটামাহ পূৰ্বে গতিফল সলনি কৰি শওপুৰ গাঁৱত শ শ পৰিয়ালৰ ঘৰ-দুৱাৰ খহাই নিয়াৰ লগতে কোটি কোটি টকা ব্যয় সাপেক্ষে নিৰ্মান কৰা অভয়াপুৰীৰ পৰা বৰপেটা হৈ আমিনগাঁও লৈ যোৱা ৰাজ্যিক ঘাইপথ বাৰিষাত সম্পূৰ্ণৰূপে ভাঙি যায় । বাৰিষাৰ সময়ত প্ৰশাসনে জিও বেগেৰে সাময়িকভাৱে প্ৰতিৰোধৰ ব্যৱস্থা হাতত লৈছিল যদিও ই বিশেষ ফলপ্ৰসূ হোৱা পৰিলক্ষিত হোৱা নাছিল ।
যাৰ ফলত বিগত এটা বছৰ ধৰি বৰপেটা জিলা প্ৰশাসনে এই ৰাজ্যিক ঘাইপথচোৱাৰে গধুৰ যান বাহন চলাচল নিষিদ্ধ কৰি দিয়াত ব্যাহত হৈ পৰিছে যাতায়ত ব্যৱস্থা । ফলত বহু সমস্যাৰ সন্মুখীন হৈছে পথচাৰীৰ ৷ শীঘ্ৰেই এই এই ক্ষেত্ৰত চৰকাৰে কোনো ব্যৱস্থা গ্ৰহণ নকৰিলে যিকোনো মুহূৰ্তত সংঘটিত হ’ব ভয়ংকৰ দুৰ্ঘটনা ৷ ইফালে স্থানীয় ৰাইজ তথা দল-সংগঠনৰ অভিযোগ, নাকত তেল দি শুই আছে জনীয়া সমষ্টিৰ তিনিবাৰৰ বিধায়ক হাফিজ ৰফিকুল ইছলাম আৰু পূৰ্বৰ দুবাৰৰ বিধায়ক বৰ্তমানৰ সাংসদ আব্দুল খালেক । খৰালীৰ সময়তো খহনীয়া ৰোধৰ ব্যৱস্থা নকৰাত ক্ষোভ প্ৰকাশ কৰে বিভিন্ন দল-সংগঠনে ।
দল-সংগঠনৰ অভিযোগ এই ঠাইডোখৰে বহু মন্ত্ৰী-বিধায়ক আহিছে, পৰিদৰ্শন কৰিছে আৰু চেল্ফি মাৰিছে আৰু গুচি গৈছে । কিন্তু বেকী নদীৰ খহনীয়াৰ কৱলত পৰা শওপুৰ দ্বিতীয় নং বিকল্প ৰাজ্যিক ঘাইপথটো ৰক্ষা কৰিবলৈ গ্ৰহণ নকৰিলে কোনো ব্যৱস্থা । যেন সকলো ফুটুকাৰ ফেন । বাৰিষাৰ সময়ত বিভাগীয় কৰ্তৃপক্ষই সময়মতে আৰু সঠিক ভাবে খহনীয়া প্ৰতিৰোধৰ কাম নকৰাৰ বাবেই আজি পথচোৱা খহনীয়াৰ কৱলত পৰি ৰাজ্যিক ঘাইপথ নিচ্ছিন্ন হোৱাৰ পথত ।
ইফালে বেকী নৈৰ দুয়ো পাৰে কৰাৰকুৰ আৰু বামুনটাৰী অংশত বৰপেটা জিলা প্ৰশাসনে পহৰা দিয়াৰ ব্যৱস্থা কৰিছে যদিও অবাধে চলাচল কৰি আছে গধুৰ যান-বাহন । স্থানীয় ৰাইজ তথা দল-সংগঠনৰ অভিযোগ কেৱল বিধায়ক আৰু সাংসদে বানৰ সময়ত ডাঙৰ ডাঙৰ মন্তব্য দিয়ে আৰু চেল্ফি মাৰি গুচি যায় কিন্তু এতিয়া খৰালীৰ সময়ত নাকত তেল দি শুই আছে । সেয়ে অতি সোনকালে এই ৰাজ্যিক ঘাইপথচোৱাৰ কাম আৰম্ভ কৰাৰ দাবী জনাই অন্যথা গণতান্ত্ৰিক আন্দোলনৰ হুংকাৰ দিয়ে ।
লগতে পঢ়ক: Erosion in Kalgachia: খাৰবাল্লীত বেকী নদীৰ ভয়ংকৰ খহনীয়াৰ
