বৰপেটা, ২৬ নৱেম্বৰ : বৰপেটা জিলাৰ হাউলীত আৰম্ভ হৈছে ভাৰতীয় জনতা পাৰ্টীৰ তিনিদিনীয়া প্ৰশিক্ষণ শিবিৰৰ (BJP training camp at Howly) । বিজেপি অসম প্ৰদেশৰ প্ৰশিক্ষণ বিভাগৰ উদ্যোগত বৰপেটা জিলাখনক সামৰি আয়োজন কৰা হৈছে এই প্ৰশিক্ষণ শিবিৰৰ । হাউলীৰ নিৰ্মালী বিবাহ ভৱনত আয়োজন কৰা হৈছে এই প্ৰশিক্ষণ শিবিৰ ।
বিজেপি দলৰ সাংগঠনিক স্থিতি মজবুত কৰাৰ লগতে দলীয় কৰ্মীসকলৰ মাজত সেৱাৰ মনোভাৱ গঢ়ি তোলাৰ উদ্দেশ্যেৰে এই প্ৰশিক্ষণৰ আয়োজন কৰা হৈছে বুলি দলটোৱে অৱগত কৰে । উক্ত প্ৰশিক্ষণ শিবিৰত দলটোৰ কেইবাগৰাকীয়ো শীৰ্ষ নেতা উপস্থিত থাকে । বিজেপিৰ বৰপেটা জিলা সমিতিৰ সভাপতি অনিল কুমাৰ দাস, সম্পাদক নিপা কলিতা, হেমন্ত কুমাৰ দেউৰীৰ লগতে আন কেইবাগৰাকী নেতাই অংশগ্ৰহণ কৰে শিবিৰত ।
সমান্তৰলাকৈ, জিলাখনৰ বহু বিজেপি কৰ্মীয়ে অংশগ্ৰহণ কৰিছে এই শিবিৰত । জানিব পৰা মতে ৰাজ্যৰ শিক্ষামন্ত্ৰী তথা বিজেপি নেতা ডাঃ ৰণোজ পেগুৱে এই শিবিৰত অংশগ্ৰহণ কৰাৰ সম্ভাৱনা আছে ।
উল্লেখ্য যে, শেহতীয়াকৈ বিজেপি দলৰ মন্ত্ৰী, বিধায়কসকলেও মুম্বাইত প্ৰশিক্ষণ গ্ৰহণ কৰিছে । সমান্তৰালকৈ ৰাজ্যিক, জিলা আৰু মণ্ডল পৰ্যায়টো বিজেপিয়ে প্ৰশিক্ষণৰ আয়োজন কৰি আহিছে । বিজেপিৰ নেতাসকলে জনোৱা মতে ৰাজ্যৰ বিভিন্ন প্ৰান্তত চলি আছে জিলা ভিত্তিক প্ৰশিক্ষণৰ কাৰ্যসূচী ।
লগতে পঢ়ক :Barpeta MC college: বৰপেটাৰ এম চি কলেজত শিক্ষামন্ত্ৰী ডাঃ ৰণোজ পেগু
