স্পৰ্টছ ডেস্ক,১১ জুন : ইংলেণ্ডত অ'ভালত অব্যাহত আছে টেষ্টৰ খিতাপ অৰ্জনৰ যুঁজ (WTC Final 2023)। অষ্ট্ৰেলিয়া শক্তিশালী স্থিতিত আছে যদিও ভাৰতেও খিতাপ অৰ্জনৰ আশা এৰি দিয়া নাই । কিন্তু বতৰ বিজ্ঞান বিভাগৰ আগজাননীয়ে সমস্যাত পেলাইছে ভাৰতীয় দলটোক । যদি বতৰ বিজ্ঞান বিভাগৰ আগজাননী সঁচা হয় তেনেহ'লে খেলৰ অন্তিম দিনা অৰ্থা দেওবাৰে অ'ভালত বৰষুণ হ'ব । লগতে, খেলৰ সময়ত বতৰ ডাৱৰীয়া হৈ থাকিব । বিভিন্ন পক্ষই দাবী কৰা মতে আবেলি বৰষুণ হ'ব পাৰে । বৰষুণৰ ৬৫ শতাংশ সম্ভাৱনা আছে । যদি এনে হয় চেম্পিয়ন হোৱা ভাৰতৰ আশা চূৰ্ণ বিচূৰ্ণ হ'ব ।
উল্লেখ্য যে অষ্ট্ৰেলিয়াই বিশ্ব টেষ্ট চেম্পিয়নশ্বিপৰ ফাইনেলৰ চতুৰ্থ দিনা ৮ টা উইকেট হেৰুৱাই ২৭০ ৰাণ সংগ্ৰহ কৰি তেওঁলোকৰ দ্বিতীয় ইনিংছ ঘোষণা কৰিছিল (IND vs AUS WTC Final)। ভাৰতৰ সন্মুখত এতিয়া ৪৪৪ ৰাণৰ লক্ষ্য আছে । অষ্ট্ৰেলিয়াই দিয়া লক্ষ্যৰ পিছত দৌৰি ভাৰতীয় দলটোৱে চতুৰ্থ দিনৰ খেলৰ শেষলৈকে দ্বিতীয় ইনিংছত ৩ টা উইকেট হেৰুৱাই ১৬৪ ৰাণ সংগ্ৰহ কৰিছে ।
এতিয়া ভাৰতীয় দলে পঞ্চম দিনা অৰ্থাৎ আজি বাকী থকা ২৮০ ৰাণ সংগ্ৰহ কৰিবলৈ চেষ্টা কৰিব । আনহাতে অষ্ট্ৰেলিয়াইও ভাৰতৰ বাকী ৭ গৰাকী খেলুৱৈক যিমান সম্ভৱ সোনকালে আউট কৰিবলৈ চেষ্টা কৰিব । কিয়নো যদি ভাৰতীয় দলটোৱে গোটেই দিনটো বেটিং কৰে, তেন্তে মেচখন জয়ী হোৱাটো প্ৰায় নিশ্চিত হ'ব পাৰে ।
কিন্তু এই পৰিস্থিতিত বতৰে ভাৰতীয় দলটোৰ বাবে খলনায়কৰ ভূমিকা ল'ব পাৰে (Chances of rain at the Oval)। বৰষুণ বা বতৰ ডাৱৰীয়া হ'লে অষ্ট্ৰেলিয়া ফাষ্ট বলাৰৰ বাবে পিটছখন সহায়ক হ'ব পাৰে । বতৰ বিজ্ঞান বিভাগৰ মতে, ইংলেণ্ডৰ অ'ভাল গ্ৰাউণ্ডত পঞ্চম দিনা বৰষুণৰ সম্ভাৱনা নুই কৰিব নোৱাৰি । কোৱা হৈছে যে দুপৰীয়া বৰষুণ হ'ব পাৰে । আন এক প্ৰতিবেদন অনুসৰি, দেওবাৰে বৰষুণ হোৱাৰ প্ৰায় ৬৫ শতাংশ সম্ভাৱনা আছে । একে সময়তে, আকাশত ৮৫ শতাংশ ক'লা ডাৱৰ থাকিব বুলিও কোৱা হৈছে ।
ইয়াৰ উপৰিও বিভিন্ন সংস্থাৰ তথ্য অনুসৰি দেওবাৰ আৰু সোমবাৰে বতৰ একে হৈ নাথাকিব (Weather condition in Oval)। লক্ষণীয়ভাৱে যদি পঞ্চম দিনা অৰ্থাৎ আজি বৰষুণ হয়, তেন্তে এই খেলখন এদিন পিছুৱাই দিয়া হ'ব । কাৰণ সোমবাৰৰ দিনটোও খেলখনৰ বাবে সংৰক্ষিত কৰি ৰখা হৈছে । সেয়েহে, খেলখন পুনৰ ষষ্ঠ দিনাও খেলাৰ সম্ভাৱনা থাকিব । অৱশ্যে সকলো বতৰৰ ওপৰত নিৰ্ভৰ কৰিব ।
লগতে পঢ়ক :IND vs AUS test Final : আজিৰ দিনটো হ'ব ৰোহিত বাহিনীৰ বাবে প্ৰত্যাহ্বানপূৰ্ণ
