চিটাৰা ডেস্ক, 16 অক্টোবৰ : প্ৰতিযোগীসকলৰ নতুন ৰণনীতি আৰু প্ৰতিদ্বন্দ্বীসকল আগুৱাই যোৱাক কেন্দ্ৰ কৰিয়েই বিগ বচ 15 ৰ ঘৰতো লাহে লাহে এখন যুদ্ধক্ষেত্ৰলৈ পৰিণত হৈছে ৷ শেহতীয়া এটা খণ্ডত আফছানা খান আৰু শমিতা চেট্টীয়ে বাকযুদ্ধত লিপ্ত হোৱা দেখা যায়, য’ত এজনীয়ে আনজনীক উদ্দেশ্যি বিভিন্ন কটু বাক্যবাণ নিক্ষেপ কৰে ৷
আফচানাই শমিতাক "dirty woman" বুলি কোৱাৰ পিছতেই জাঙুৰ খাই উঠে শমিতা চেট্টী ৷ ঘৰৰ আটাইবোৰ প্ৰতিযোগীয়ে দুয়োকে বুজাবলৈ আৰম্ভ কৰে ৷ বিশালে শমিতাক সমৰ্থন কৰাৰ লগতে কৰণে আফছানাক "Enough Afsana" বুলি খঙতে কোৱা দেখিবলৈ পোৱা যায় ৷
- " class="align-text-top noRightClick twitterSection" data="
">
আনহাতে, Weekend Ka Vaar খণ্ডত শ্ব’ টোৰ হোষ্ট চলমান খানে আফছানাক তেওঁৰ abusive ব্যৱহাৰৰ বাবে গালি পৰা দেখিবলৈ পোৱা যাব ৷ শ্ব’ টোৰ শেহতীয়া এটা প্ৰম’ত, চলমানে এই কথাও কোৱা দেখা যায় যে যদিহে তেওঁৰ কৰ্তৃত্ব থাকিলহেতেন তেন্তে তেওঁ আফছানাক শ্ব’ ৰ পৰা এলিমিনেট কৰি দিলেহেতেন ৷
এসময়ৰ ভাল বন্ধু জয় ভানুশালী আৰু কৰণ কুন্দ্ৰায়েও তৰ্কত লিপ্ত হোৱা দেখিবলৈ পোৱা যায় ৷ বন্ধুসকলৰ মাজত দেখা দিয়া এই বিভাজনে খেলখনক আৰু অধিক আকৰ্ষণীয় কৰি তুলিব বুলি আশা কৰিছে দৰ্শকে ৷ গতিকে অনাগত দিনত কেনেদৰে 'junglewaasis' মুখ্য ঘৰত প্ৰৱেশ কৰে আৰু আৰামত দিন পাৰ কৰে সেয়া চাবলৈ আমোদজনক হ’ব ৷
লগতে পঢ়ক : শিল্পা চেট্টী-ৰাজ কুন্দ্ৰাৰ বিৰুদ্ধে গোচৰ ৰুজু শ্বেৰলিন চোপ্ৰাৰ
