"83" বিশ্ব ক্ৰিকেটৰ কিংবদন্তি খেলুৱৈসকলক সাক্ষাৎ অভিনেতা ৰণবীৰ সিঙৰ

নিউজ ডেস্ক,3 জুন : আহিবলগীয়া ছবি "83"ৰ কাৰণে ব্যাপক ৰূপত ব্যস্ত বলিউডৰ জনপ্ৰিয় অভিনেতা ৰণবীৰ সিং ৷ কিংবদন্তি ভাৰতীয় খেলুৱৈ কপিল দেৱৰ জীৱনৰ আধাৰত নিৰ্মাণ হ'বলগীয়া ছবিখনত কপিল দেৱৰ চৰিত্ৰ সবল ৰূপত ৰূপায়ণৰ বাবে এতিয়া অভিনেতাগৰাকী ব্যস্ত বিশ্ব ক্ৰিকেটৰ ইজনৰ পাচত সিজন কিংবদন্তি খেলুৱৈক সাক্ষাৎ কৰাত ৷

শেহতীয়াকৈ অভিনেতাগৰাকীয়ে সাক্ষাৎ কৰে বিশ্ব ক্ৰিকেটৰ কিংবদন্তি খেলুৱৈ অৰ্থাৎ কপিল দেৱৰ সময়ৰ খেলুৱৈ সুনীল গাভাস্কাৰ,শ্বেন ৱাৰ্ণ আৰু ভিভিয়ান ৰিচাৰ্ডক ৷ ইনষ্টাগ্ৰামযোগে অভিনেতাগৰাকীয়ে কিংবদন্তি খেলুৱৈকেইগৰাকীৰ লগত উঠা ফটো প্ৰকাশ কৰি সুনীল গাভেস্কাৰক দ্য লিটিল মাষ্টৰ,শ্বেন ৱাৰ্ণক স্পীন কিং আৰু ভিভিয়ান ৰিচাৰ্ডক দ্য ইনকমপৰেবেল ছাৰ বুলি কয় ৷