চিটাৰা ডেস্ক, 1 নৱেম্বৰ : ভাৰতীয় চলচ্চিত্ৰ জগতৰ এগৰাকী মোহময়ী অভিনেত্ৰী তথা বিশ্ব সুন্দৰী ঐশ্বৰ্য ৰায় বচ্চন(Aishwarya Rai Bachchan) ৷ অভিনয় বিশেষকৈ সৌন্দৰ্যৰে আজিও দৰ্শকক মোহিত কৰি ৰাখিছে এইগৰাকী Divaই ৷ আজি 48 বছৰত ভৰি দিলে ঐশ্বৰ্য ৰায় বচ্চনে ৷
ঐশ্বৰ্যৰ আকৰ্ষণীয় লুকৰ লগতে মডেলিং আৰু ফেশ্বনৰ কথা আজিও সকলোৰে মুখে মুখে ৷ 1994 চনত ‘বিশ্ব সুন্দৰী’(Miss World)ৰ খিতাপ লাভ কৰিছিল ঐশ্বৰ্যই ৷ ইয়াৰ পাচতে হিন্দী আৰু তামিল ছবিৰ জৰিয়তে তেওঁ আৰম্ভ কৰিছিল অভিনয়ৰ যাত্ৰা ৷ বহুকেইটা চলচ্চিত্ৰ বঁটাকে ধৰি 2009 চনত ভাৰত চৰকাৰৰ দ্বাৰা পদ্মশ্ৰী আৰু 2012 চনত ফ্ৰান্স চৰকাৰৰ দ্বাৰা ‘Ordre des Arts et des Lettres’ৰে সন্মানিত হৈছিল ঐশ্বৰ্য ।
‘বিশ্বৰ অন্যতম ধুনীয়া মহিলা’ হিচাপে অপৰূপ সৌন্দৰ্যৰ অধিকাৰী ঐশ্বৰ্যই প্ৰায়েই সংবাদ মাধ্যমত শিৰোনাম দখল কৰে ৷ 1973 চনৰ আজিৰ দিনটোতে কৰ্ণাটকৰ মাংগালোৰত জন্মগ্ৰহণ কৰিছিল ঐশ্বৰ্যই ৷ কিন্তু তেওঁৰ পৰিয়ালৰ সৈতে মুম্বাইলৈ স্থানান্তৰিত হয় আৰু তাতেই পঢ়া-শুনা সম্পূৰ্ণ কৰে ৷
1997 চনত মুক্তিলাভ কৰা তামিল চলচ্চিত্ৰ ‘ইৰুভাৰ’ৰ জৰিয়তে অভিনয় জগতত ভৰি দিছিল ঐশ্বৰ্যই ৷ একেই বছৰতে হিন্দী চলচ্চিত্ৰ ‘ঔৰ প্যাৰ হো গয়া’ৰ জৰিয়তে বলীউডত আত্মপ্ৰকাশ ঘটিছিল অভিনেত্ৰীগৰাকীৰ ৷ সুন্দৰতাৰে সকলোৰে চকুত যাদু কৰা ঐশ্বৰ্যই মডেলিঙৰ পূৰ্বে এগৰাকী স্থপতিবিদ হ’ব হোৱাৰ আশা পুহি ৰাখিছিল ৷
নীলা চকুৰ অধিকাৰী অভিনেত্ৰী ঐশ্বৰ্য ৰায় বচ্চন বাহ্যিক দিশৰ লগতে মনৰ পৰাও অধিক ধুনীয়া । চলচ্চিত্ৰ জগতত নিজৰ অভিনয় শৈলী আৰু সৌন্দৰ্য বজাই ৰখা ঐশ্বৰ্যই তেওঁৰ সন্তান আৰু পৰিয়ালৰ দায়িত্বও সমানে বহন কৰি আহিছে ।
লগতে পঢ়ক : ক'ভিড-১৯ ত আক্ৰান্ত হৈ মৃত্যু প্ৰবীণ অভিনেতা ইউছুফ হুছেইনৰ
