ৰূপহীহাট, ১৬ ডিচেম্বৰ : লাওখোৱা অভয়াৰণ্যত পক্ষী নিধনকাৰীৰ বিৰুদ্ধে বন বিভাগৰ অভিযান ৷ অভিযানত বনৰীয়া চৰাইৰ লগতে চৰাই ধৰা যন্ত্ৰ উদ্ধাৰ কৰে বিভাগে ৷
ৰূপহীহাটৰ জুৰীয়া লালুং গাঁৱত বন বিভাগে অভিযান চলাই বহুটো বনৰীয়া চৰাইৰ লগতে চৰাই ধৰা সঁজুলি জব্দ কৰে । লাওখোৱা অভয়াৰণ্যৰ খাল বিল সমুহলৈ আগমন ঘটা চৰাই বিলাকক কৌশলেৰে ধৰা চোৰাং চিকাৰীৰ বিৰুদ্ধে চলায় এই অভিযান ৷
অভিযানত কেবাটাও চৰাই উদ্ধাৰ কৰে সুতিৰপাৰ বন বিভাগে । চৰাই ধৰা যন্ত্ৰ, টেপ ৰেকৰ্ডাৰৰ লগতে অন্যান্য সজুলিও জব্দ কৰে যদিও চোৰাং চিকাৰীক আটক কৰিবলৈ সক্ষম নহ’ল বন বিভাগ । পাছত বন বিভাগে উদ্ধাৰ কৰা চৰাই কেইটা অভয়াৰণ্যত এৰি দিয়া হয় । বন বিভাগে জনোৱা মতে এমাহত বিভিন্ন গাঁৱত অভিযান চলাই চোৰাং চিকাৰীৰ কৱলৰ পৰা প্ৰায় শতাধিক বনৰীয়া চৰাই উদ্ধাৰ কৰাৰ লগতে বহুতো চৰাই ধৰা সজুলি জব্দ কৰে বিভাগে ৷
লগতে পঢ়ক : আন্দোলনৰ জুইত ৰাজনীতিৰ ৰুটি সেকিব নালাগে : অতুল বৰা
