চিটাৰা ডেস্ক, 11 নৱেম্বৰ: চলচ্চিত্ৰ জগতত আত্মপ্ৰকাশ কৰিবলৈ সাজু হৈছে ছলমান খানৰ ভাগিনীয়েক আলিজেহ অগ্নিহোত্ৰী । কাইলৈ অৰ্থাৎ ২৪ নৱেম্বৰত ছবিগৃহত মুক্তি পাব আলিজেহৰ অভিনীত ছবি ‘ফাৰে’ । বুধবাৰে মুম্বাইত অনুষ্ঠিত হৈছিল ছবিখনৰ বিশেষ দৰ্শনী । আলিজেহৰ মোমায়েক ছলমান খানে ছবিখনৰ বিশেষ দৰ্শনীত অংশ লৈ সকলোৰে দৃষ্টি আকৰ্ষণ কৰিছিল । ভাগিনীয়েকৰ ছবিখনৰ ব্যাপকভাৱে প্ৰচাৰ চলাইছে ছলমান খানে । গ্ৰেণ্ড স্ক্ৰীনিঙৰ পিচত ভাইজানে ‘ফাৰে’ৰ এটা ভিডিঅ’ শ্বেয়াৰ কৰিছে, য’ত তেওঁক তেওঁৰ দুই ভাতৃ আৰু ‘ফাৰে’ৰ অভিনেতা-অভিনেত্ৰীৰ সৈতে দেখা গৈছে ।
ছলমান খানে চলালে ফাৰেৰ প্ৰচাৰ
ছলমান খানৰ ভাগিনীয়েক আলিজেহ অগ্নিহোত্ৰীৰ ছবিখন শুকুৰবাৰে অৰ্থাৎ কাইলৈ মুক্তি পাব । এনে পৰিস্থিতিত ছবিখনৰ এডভান্স বুকিং আৰম্ভ হৈছে, যিটো ঘোষণা কৰিছে স্বয়ং ছলমান খানে । ছলমানে নিজৰ ইনষ্টাগ্ৰামত এটা ধেমেলীয়া ভিডিঅ’ শ্বেয়াৰ কৰিছে, য’ত আলিজেহে তিনিওজন মোমায়েকৰ ক্লাছ লোৱা দেখা গৈছে ।
আলিজেহে ল’লে তিনি মোমায়েকৰ ক্লাছ
ভিডিঅ’টোত ছলমান খান, আৰবাজ খান আৰু ছোহেইল খানক ক্লাছ ৰুমত বহি থকা দেখা গৈছে আৰু আলিজেহে তিনি মোমায়েকক প্ৰশ্ন সোধা পৰিলক্ষিত হৈছে । এই ভিডিঅ’টো শ্বেয়াৰ কৰি ছলমানে কেপচনত লিখিছে, ‘‘এই বদমাছসকলে আমাৰ ক্লাছ লৈ ল’লে । টিকট বুকিং কৰি ২৪ নৱেম্বৰৰ পৰা ওচৰৰ চিনেমাগৃহত চাব ‘ফাৰে’।’’
আলিজেহে তিনি মোমায়েকক প্ৰশ্ন কৰে, ‘‘আপোনালোক তিনিজনৰ ভিতৰত স্কুলীয়া দিনত কোন শ্ৰেষ্ঠ আছিল, কোন মধ্যমীয়া আছিল আৰু কোন পঢ়া-শুনাত বেয়া আছিল ? ’’ এই প্ৰশ্নৰ উত্তৰত ছোহেইল আৰু আৰবাজ খানে ছলমান খানক শ্ৰেষ্ঠ ছাত্ৰ বুলি অভিহিত কৰে । অৱশ্যে ছলমানে নিজকে মধ্যমীয়া বুলি কয় ।
ফাৰেত দেখা যাব এইসকল অভিনেতা-অভিনেত্ৰীক
আলিজেহ অগ্নিহোত্ৰীৰ উপৰিও ‘ফাৰে’ ছবিখনত সৌমেন্দ্ৰ পাধি, চাহিল মেহতা, জেন শ্ব’, প্ৰসন্ন বিষ্ট, ৰনিত বসু ৰয়, জুহি বব্বৰ ছোনী, নবীন য়েৰ্নেনী আদি অভিনেতা-অভিনেত্ৰীকো দেখা যাব । এই ছবিখন পৰিচালনা কৰিছে ৰাষ্ট্ৰীয় বঁটা বিজয়ী পৰিচালক সৌমেন্দ্ৰ পাধিয়ে । উল্লেখ্য যে গোৱাত অনুষ্ঠিত ৫৪ সংখ্যক ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱতো এই ছবিখন প্ৰদৰ্শিত হৈছিল ।
লগতে পঢ়ক: Fareey Teaser: ছলমান খানৰ ভাগিনী আলিজেহৰ ছবি ফেৰেৰ টিজাৰ মুক্তি
