চিটাৰা ডেস্ক, ৬ ডিচেম্বৰ: ৰণবীৰ কাপুৰৰ ছবি ‘Animal’ এ বক্স অফিচত বৃহৎ পৰিমাণৰ ধন উপাৰ্জন কৰিবলৈ সক্ষম হৈছে । ছবিখনে দৰ্শকৰ পৰা লাভ কৰিছে ব্যাপক সঁহাৰি । যাৰ বাবে প্ৰতিদিনে বৃদ্ধি পাইছে ইয়াৰ উপাৰ্জন । এই ছবিখনে কেৱল দেশতে নহয়, বিদেশতো বহু অভিলেখ গঢ়িবলৈ সক্ষম হৈছে । এতিয়া বক্স অফিচত ৰণবীৰ কাপুৰৰ এনিমেলে গঢ়িলে আন এক অভিলেখ ।
ছবিখনে ভাৰততে প্ৰায় ৩০০ কোটি টকা উপাৰ্জনৰ ওচৰ চাপিছে
ৰণবীৰ কাপুৰৰ ‘এনিমেল’ৰ হিন্দী সংস্কৰণে যোৱা ৫ দিনত ২৫০.৬৬ কোটি টকা সংগ্ৰহ কৰিবলৈ সক্ষম হৈছে । একে সময়তে দক্ষিণৰ ভাষাত এতিয়ালৈকে মুঠ উপাৰ্জন হৈছে ৩৩.৩৯ কোটি টকা । এইদৰে ভাৰতত ‘এনিমেল’ৰ উপাৰ্জন হৈছেগৈ ২৮৪.০৮ কোটি টকা ।
এই ছবিসমূহৰ অভিলেখ ভংগ কৰিছে এনিমেলে
ইয়াৰ উপৰিও ২৫০ কোটি টকা উপাৰ্জন কৰা দ্বিতীয়খন দ্ৰুততম ছবি হিচাপে পৰিগণিত হৈছে ‘এনিমেল’ । এক নম্বৰ স্থানত আছে শ্বাহৰুখ খানৰ ছবি ‘জৱান’ । ৰণবীৰ কাপুৰৰ এই ছবিখনে ‘পাঠান’, ‘গদৰ ২’, ‘কে জি এফ ২’ (হিন্দী), ‘বাহুবলী’ ২ (হিন্দী), ‘দংগল’, ‘সঞ্জু’, ‘টাইগাৰ জিন্দা হে’ আদি চিনেমাৰ উপাৰ্জনৰ অভিলেখ ভংগ কৰিছে ৷
২৫০ কোটি টকা উপাৰ্জন কৰা ছবি
১/ জৱানে ৪ দিনত ২৫০ কোটি টকা উপাৰ্জন কৰিছিল
২/ এনিমেলে ৫ দিনত ২৫০ কোটি টকা উপাৰ্জন কৰিছিল
৩/ পাঠানে ৫ দিনত ২৫০ কোটি টকা উপাৰ্জন কৰিছিল
৪/ গদৰ ২ য়ে ৬ দিনত ২৫০ কোটি টকা উপাৰ্জন কৰিছিল
৫/ কে জি এফ ২ য়ে ৭ দিনত ২৫০ কোটি টকা উপাৰ্জন কৰিছিল
৬/ বাহুবলী ২ য়ে ৮ দিনত ২৫০ কোটি টকা উপাৰ্জন কৰিছিল
৭/ দংগলে ১০ দিনত ২৫০ কোটি টকা উপাৰ্জন কৰিছিল
৮/ সঞ্জুৱে ১০ দিনত ২৫০ কোটি টকা উপাৰ্জন কৰিছিল
৯/ টাইগাৰ জিন্দা হে ছবিখনে ১০ দিনত ২৫০ কোটি টকা উপাৰ্জন কৰিছিল
লগতে পঢ়ক: ছবিগৃহত অব্যাহত এনিমেলৰ গৰ্জন, এতিয়ালৈকে কিমান উপাৰ্জন কৰিলে ছবিখনে ?
