চিটাৰা ডেস্ক, 12মে’: চুপাৰষ্টাৰ অক্ষয় কুমাৰ বৰ্তমান তেওঁৰ মুক্তি পাবলগীয়া ছবি 'পৃথ্বীৰাজ'ৰ বাবে চৰ্চাত আছে (Prithviraj trailer) ৷ ছবিখনৰ প্ৰথমটো গীত অভিনেতাজনে সামাজিক মাধ্যমত মুকলি কৰাৰ লগতে তেওঁৰ দৃষ্টিত এইটো এটা শ্ৰেষ্ঠ দেশপ্ৰেমমূলক গীত বুলি অভিহিত কৰিছে ৷ গানটোৰ প্ৰসংগত অক্ষয়ে কৈছে, ""মোৰ মতে হৰি হৰ গীতটো পৃথ্বীৰাজৰ আত্মা আৰু এই গীতটিয়ে নিৰ্ভীক সম্ৰাট পৃথ্বীৰাজৰ প্ৰতি উচিত শ্ৰদ্ধা জ্ঞাপন কৰিছে, যিজন সম্ৰাটে মাতৃভূমিৰ ৰক্ষাৰ নিমিত্তে সৰ্বস্ব ত্যাগ কৰিছিল" ৷
'হৰি হৰ' গীতটো ভাৰতক সুৰক্ষা দিয়া শক্তিশালী ৰজাজনৰ সংকল্পৰে ভৰপূৰ, যাৰ বাবে মই গানটোৰ সৈতে একাত্ম হ’ব পাৰিছো । তেওঁ লগতে কয় যে ই সম্ৰাট পৃথ্বীৰাজৰ জীৱনৰ সাৰাংশ উদঙাই দিছে আৰু তেওঁৰ শক্তিশালী মূল্যবোধক প্ৰতিনিধিত্ব কৰিছে যিয়ে তেওঁক এজন সাহসী ৰজা হিচাপে গঢ়ি তুলিছিল । 'হৰি হৰ' এনে এটা গীত যিটো শুনিয়েই মই প্ৰেমত পৰিছিলো । আনকি আজিও মই গীতটো বহুবাৰ শুনিছো, কিন্তু মোৰ সমগ্ৰ অভিনয় কেৰিয়াৰত শুনা দেশপ্ৰেমমূলক গীতসমূহৰ ভিতৰত এইটো শ্ৰেষ্ঠ " ৷
- " class="align-text-top noRightClick twitterSection" data="">
উল্লেখ্য যে, 'পৃথ্বীৰাজ' পৰিচালনা কৰিছে চন্দ্ৰপ্ৰকাশ দ্বিবেদীয়ে ৷ চন্দ্ৰপ্ৰকাশ দ্বিবেদী দূৰদৰ্শনৰ মহাকাব্য 'চাণক্য' আৰু সমালোচকৰ দ্বাৰা প্ৰশংসিত ছবি 'পিঞ্জাৰ' সফল পৰিচালনাৰ বাবে হৈ পৰিছিল সৰ্ব-পৰিচিত । ইফালে নৱাগত মানুষী ছিল্লাৰে পৃথ্বীৰাজৰ জৰিয়তে বলীউডত খোজ দিব । চলচ্চিত্ৰখন ৩ জুনত হিন্দী, তামিল আৰু তেলেগু ভাষাত মুক্তি পাব (Prithviraj release date)।
লগতে পঢ়ক: Prithviraj trailer : মুকলি হ’ল পৃথ্বীৰাজৰ ট্ৰেইলাৰ:পৃথ্বীৰাজৰ চৰিত্ৰত অক্ষয় কুমাৰ
