চিটাৰা ডেস্ক, 11 অক্টোবৰ: বিবেক অগ্নিহোত্ৰী পৰিচালিত বিতৰ্কিত ছবি ‘দ্য কাশ্মীৰ ফাইলছ’ বক্স অফিচত হিট ৰূপে পৰিগণিত হৈছিল ৷ এই ছবিখনে বক্স অফিচত উপাৰ্জন কৰিছিল বিপুল পৰিমাণৰ ধন ৷ সমালোচকৰ সমান্তৰালকৈ এই ছবিখনে ৰাইজৰ পৰাও ভাল সঁহাৰি লাভ কৰিছিল ৷ কাশ্মীৰী পণ্ডিতসকলৰ বেদনা দেখুওৱা হৈছিল এই ছবিখনত । এতিয়া এই সন্দৰ্ভত বলীউডৰ প্ৰবীণ অভিনেত্ৰী আশা পাৰেখে প্ৰকাশ কৰিছে প্ৰতিক্ৰিয়া । প্ৰবীণ অভিনেত্ৰীগৰাকীয়ে বিবেক অগ্নিহোত্ৰীক লক্ষ্য কৰি কৈছে যে ছবিখনৰ পৰা উপাৰ্জন কৰা ধনেৰে জম্মু-কাশ্মীৰত পানী আৰু বিজুলী নোহোৱাকৈ জীয়াই থকা হিন্দুসকলক বিবেকে কিয় সহায় কৰা নাই ।
- " class="align-text-top noRightClick twitterSection" data="">
সংবাদ মাধ্যমৰে হোৱা এক সাক্ষাৎকাৰত যেতিয়া আশা পাৰেখক সোধা হৈছিল যে তেওঁ বিতৰ্কিত ছবি দ্য কাশ্মীৰ ফাইলছ আৰু দ্য কেৰালা ষ্ট’ৰী চাইছে নেকি ? এই দুয়োখন ছবিয়ে বক্স অফিচত ভাল ব্যৱসায় কৰিছিল । এই প্ৰশ্নৰ উত্তৰত আশা পাৰেখে প্ৰশ্ন উত্থাপন কৰি কয় যে এই ছবিবোৰৰ পৰা জনতাই কি লাভ কৰিলে ?
দ্য কাশ্মীৰ ফাইলছক লৈ আশা পাৰেখৰ প্ৰতিক্ৰিয়া
আশা পাৰেখে ছবিখনৰ সন্দৰ্ভত কয়, ‘‘মই এইসমূহ ছবি দেখা নাই, গতিকে বিতৰ্কৰ কথা কেনেকৈ ক’ম ? যদি মানুহে ভাল পায় তেন্তে তেওঁলোকে এনে ছবি চাব লাগে ।’’ ছবিখনৰ বক্স অফিচ সংগ্ৰহৰ কথা কওঁতে আশা পাৰেখে কয়- মানুহে দ্য কাশ্মীৰ ফাইলছ দেখিছিল । এই সন্দৰ্ভত অলপ বিতৰ্কিত বক্তব্য এটা দিব বিচাৰিছো ।
- " class="align-text-top noRightClick twitterSection" data="">
আশা পাৰেখৰ বিতৰ্কিত বক্তব্য
আশা পাৰেখে কয়- এই ছবিখনৰ পৰা ছবিখনৰ প্ৰযোজকে ৪০০ কোটি টকা উপাৰ্জন কৰিছে । গতিকে জম্মুত বসবাস কৰা সেই হিন্দু কাশ্মীৰীসকলক কিমান টকা দি সহায় কৰিলে ? যিসকলৰ পানী বা বিজুলী নাছিল তেওঁলোকক কিমান টকা দি সহায় কৰিলে ? ছবিখনে টকা উপাৰ্জন কৰিছে ঠিকেই, মই এইটো ধৰি লৈছো যে বিতৰকক শ্বেয়াৰ দিব লাগিব, নিজৰো শ্বেয়াৰ ৰাখিব লাগিব ৷ গতিকে মই ৪০০ কোটিৰ পৰিৱৰ্তে ধৰি লৈছো ২০০ কোটি উপাৰ্জন কৰিছে ৷ গতিকে ২০০ কোটিৰ টকাৰ পৰা ৫০ কোটি টকাও দিব পাৰিলেহেঁতেন ৷
দ্য কাশ্মীৰ ফাইলছ ছবিখনত অনুপম খেৰ, মিথুন চক্ৰৱৰ্তী, পল্লৱী যোশী, পুনীত ইছাৰ, দৰ্শন কুমাৰে গুৰুত্বপূৰ্ণ চৰিত্ৰত অভিনয় কৰিছিল । ২০ কোটি টকাৰ বাজেটেৰে নিৰ্মাণ কৰা এই ছবিখনে কেৱল ভাৰততে ২৯৫ কোটি টকা সংগ্ৰহ কৰিছে ।
লগতে পঢ়ক: Tanushree Dutta: নানা পাটেকাৰৰ ওপৰত খং উঠিল তনুশ্ৰী দত্তৰ, বিবেক অগ্নিহোত্ৰীক লৈও ক’লে এই কথা
