বিশ্বনাথ, 30 জুলাই : গহপুৰৰ ব্ৰহ্মাজান চাহ বাগিচা (Bramhajan Tea Garden) ত সংঘটিত হৈছে মানৱ সমাজক লজ্জানত কৰা এটা ঘটনা । ব্ৰহ্মাজান বাগিছাৰ ১ নং লাইনৰ নিভাজ হৰিপাল নামৰ এজন যুৱকজনে ঘৰৰ কাষৰে তিনি গৰাকী নাবালিকাক যৌন নিৰ্যাতন চলোৱাৰ অভিযোগ উত্থাপিত হৈছে । ইফালে ঘটনা সংঘটিত কৰিয়েই পলায়ন কৰিছে অভিযুক্ত নিভাজ হৰিপালে ৷
উল্লেখ্য যে, বহু দিনৰ পৰা এনেধৰণৰ অপৰাধজনীত কাৰ্য সংঘটিত কৰাৰ অভিযোগ উত্থাপন হৈ আহিছিল নিভাজ হৰিপালৰ বিৰুদ্ধে ৷ কিন্তু শেহতীয়াকৈ পোহৰলৈ আহিছে এই দুষ্কাৰ্য । ইতিমধ্যে পৰিয়ালৰ লোকে সমস্ত ঘটনাটোৰ বিৰুদ্ধে ঘাঁহিগাঁও আৰক্ষী চকীত (Ghahi Gaon Police Station) এটা গোচৰ ৰুজু কৰিছে ৷ আৰক্ষীয়ে নিভাজ হৰিপালৰ বিৰুদ্ধে অভিযান চলাইছে যদিও বৰ্তমানলৈকে গ্ৰেপ্তাৰ কৰিবলৈ সক্ষম হোৱা নাই ৷
লগতে পঢ়ক - শিশুক ধৰ্ষণ কৰি ৰঙাঘৰৰ আলহী 55 বছৰীয়া ব্যক্তি
ইতিমধ্যে উক্ত ঘটনাটোৰ বিৰুদ্ধে বিশ্বনাথ জিলা আটছা (AATSA)ৰ নেতা সকল সৰৱ হৈ পৰিছে ৷ ২৪ ঘন্টাৰ ভিতৰত অভিযুক্ত নিভাজ হৰিপালক গ্ৰেপ্তাৰ কৰিবলৈ আৰক্ষীক সময় সীমা বান্ধি দিয়াৰ উপৰিও দোষীক উপযুক্ত শাস্তি প্ৰদান কৰিবলৈ দাবী জনাইছে ৰাইজে ৷ ইতিমধ্যে ঘাঁহিগাঁও আৰক্ষীয়ে সমগ্ৰ ঘটনাটোৰ বিৰুদ্ধে তদন্ত আৰম্ভ কৰিছে ।
ঠিক একেদৰে শিৱসাগৰ জিলাৰ (Sivasagar District))ৰ বিষ্ণু নগৰতো সংঘটিত হৈছে অনুৰূপ ঘটনা ৷ এটি কনমানি কন্যা শিশুক (minor girl ) ধৰ্ষণৰ অভিযোগ উত্থাপন হৈছে এগৰাকী 55 বছৰীয়া লোকে বিৰুদ্ধে ৷ লোকজন শিৱসাগৰৰে অনুজ দাস ওৰফে অনিমেষ দাস বুলি জানিব পৰা গৈছে ৷ ইতিমধ্যে বুধবাৰে নিশা অনিমেষ দাসক গ্ৰেপ্তাৰ কৰিছে শিৱসাগৰ আৰক্ষীয়ে (Sivasagar Police) ৷
এই সমগ্ৰ ঘটনাটো পোহৰলৈ অহাৰ পাছতেই অনিমেষ দাসৰ বিৰুদ্ধে শিৱসাগৰ সদৰ থানাত গোচৰ ৰুজু কৰিছিল কিশোৰীগৰাকাৰীৰ পৰিয়ালে ৷ শিৱসাগৰ সদৰ থানাত ৰুজু কৰা ৯২৩/২০২১ৰ গোচৰৰ ভিত্তিত 375 (B) IPC R/W 6 & 12 of POCSO ACT ৰ অধীনত গ্ৰেপ্তাৰ (Arrest) কৰা হয় অভিযুক্ত অনিমেষ দাসক ৷ গ্ৰপ্তাৰৰ পাচতেই বৃহস্পতিবাৰে জেল (jail) হাজোতলৈ প্ৰেৰণ কৰা হয় লোকজনক ৷
