নগাঁও, 24 মে' : কেৰালাৰ পৰা উভতাৰ পথত দেওবাৰে জাগীৰোডৰ পৰা পলায়ন কৰা শ্ৰমিকক বিচাৰি অভিযান আৰম্ভ কৰিছে নগাঁও আৰক্ষীয়ে । সোমবাৰে নগাঁও আৰক্ষীয়ে জিলাখনৰ বিভিন্ন প্ৰান্তত আৰম্ভ কৰে অভিযান ।
নগাঁৱৰ জুৰীয়াৰ পৰা আৰক্ষীয়ে কৰায়ত্ব কৰিবলৈ সক্ষম হয় পলায়ন কৰা ২১ জনকৈ শ্ৰমিকক । ধৃত শ্ৰমিক কেইজনক নগাঁও আৰক্ষীয়ে ইতিমধ্যে গতাই দিয়ে মৰিগাঁও আৰক্ষীক । ক’ভিড পৰীক্ষা নকৰাকৈ বহিঃৰাজ্যৰ পৰা অহা শ্ৰমিকে পলায়ন কৰা ঘটনাই আতংকৰ সৃষ্টি কৰিছে মৰিগাঁও জিলাৰ লগতে নগাঁও জিলাতো । ঘটনা সন্দৰ্ভত জাগীৰোড আৰক্ষী থানাত ৰুজু হৈছে এক গোচৰ ।
ধৃত শ্ৰমিক কেইজনৰ ক’ভিড পৰীক্ষা কৰাৰ অন্তত ক’ভিড-19 ৰ অৱস্থিতি পোৱা শ্ৰমিকৰ সংস্পৰ্শলৈ অহা লোককো পৰীক্ষা কৰা হ'ব । পলায়ন কৰা শ্ৰমিকৰ সন্ধানত নগাঁও আৰক্ষীয়ে অব্যাহত ৰাখিছে অনুসন্ধান ।
উল্লেখ্য যে, কন্যাকুমাৰীৰ পৰা ডিব্ৰুগড়লৈ যাব লগা বিবেক এক্সপ্ৰেছ নামৰ ৰে’লখনে জাগীৰোডত ৰখোৱাৰ পাছত 500 গৰাকীতকৈ অধিক যাত্ৰীয়ে কৰ’ণাৰ পৰীক্ষা নকৰাকৈ ষ্টেচনৰ পৰা পলায়ন কৰিছিল ৷
লগতে পঢ়ক : তিনিচুকীয়া সংৰক্ষিত আৰক্ষী নিৱেশত অঘটন
