গুৱাহাটী, 9 জুন : বৃহত্তৰ নাৰেংগী অঞ্চলৰ ইতিহাস তথা ঐতিহাসিক সমলবোৰ তুলি ধৰি নতুন প্ৰজন্মৰ আগত চিনাকি কৰি দিয়াৰ উদ্দেশ্যে প্ৰকাশ কৰি উলিওৱা 'বৃহত্তৰ নাৰেংগীৰ ইতিহাস' নামৰ গ্ৰন্থখন বুধবাৰে নাৰেংগীত উন্মোচন কৰা হয় ।
বুধবাৰে বিশিষ্ট কবি ড৹ পূর্ণ ভট্টাচাৰ্যৰ সভাপতিত্বত নাৰেংগী হাইস্কুলৰ প্ৰেক্ষাগৃহত(Auditorium of Narengi High School) অনুষ্ঠিত হোৱা গ্ৰন্থ উন্মোচনী সভাত 'বৃহত্তৰ নাৰেংগীৰ ইতিহাস' গ্ৰন্থখন উন্মোচন কৰে বিশিষ্ট শিক্ষাবিদ, সাহিত্যিক তথা আবৃত্তিকাৰ ড৹ অমৰজ্যোতি চৌধুৰীয়ে (Book on Narengi History released by Amarjyoti Choudhury)।
লেখক প্ৰদীপ কলিতা আৰু মুকুল চন্দ্ৰ গোস্বামীয়ে সংকলন কৰা গ্ৰন্থখন উন্মোচন কৰি শিক্ষাবিদ ড৹ অমৰজ্যোতি চৌধুৰীয়ে কয় যে, "তাহানিৰ নাৰেংগীৰ কমলাবাগানত এখন কমলাৰ বাগান আছিল । সেই বাগানত মই কমলা খাইছিলোঁ ।" প্ৰাকৃতিক পৰিবেশৰে পৰিবেষ্টিত তাহানিৰ নাৰেংগী অতি প্ৰিয় ঠাই বুলি অভিহিত কৰি সুধাকণ্ঠ ড৹ ভূপেন হাজৰিকাই(Dr. Bhupen Hazarika) নাৰেংগীত নিৰ্ভেজাল অম্লজান বিচাৰি পোৱা বুলিও ভাষণ প্ৰসংগত তেওঁ উল্লেখ কৰে । লগতে নাৰেংগীৰ ইতিহাস দাঙি ধৰিবলৈ সক্ষম হোৱা গ্ৰন্থখন নতু প্ৰজম্মৰ ছাত্ৰ-ছাত্ৰীৰ বাবে বাবে গৱেষণাৰ উৎস হ'ব বুলি আশা প্ৰকাশ কৰে ।
আনহাতে, দীপশিখা কলিতাৰ বৰগীতেৰে আৰম্ভ হোৱা অনুষ্ঠানটিৰ আঁত ধৰে লেখক মুকুল গোস্বামীয়ে । গ্ৰন্থ উন্মোচনী সভাত বিশিষ্ট অতিথি হিচাপে উপস্থিত থাকে প্ৰগতি প্ৰকাশনৰ প্ৰকাশক সুজিৎ কুমাৰ বৰুৱা, সমাজকৰ্মী নৱ তালুকদাৰ, ধৰ্মকান্ত ডেকা ।
লগতে পঢ়ক : আয়ুৰসুন্দ্ৰা চুপাৰ স্পেচিয়েলিটি হাস্পতালত পালন বিশ্ব ব্ৰেইন টিউমাৰ দিৱস
