ডিব্ৰুগড়, 22 জুলাই: দ্ৰুৌপদী মূৰ্মু দেশৰ ৰাষ্ট্ৰপতি হিচাপে নিৰ্বাচিত হোৱাৰ পিছত দেশজুৰি বৈছে আনন্দৰ লহৰ (Draupodi Murmu wins Presidential Election 2022) । এইক্ষেত্ৰত ব্যতিক্ৰম নহয় ডিব্ৰুগড় । শুকুৰবাৰে ডিব্ৰুগড়ৰ জনমংগল আদৰ্শ অন্ধ বিদ্যালয়ে দ্ৰুৌপদী মূৰ্মু দেশৰ ৰাষ্ট্ৰপতি হোৱাৰ পাছতে অনুষ্ঠিত কৰে বিজয় উৎসৱ (Victory celebrations at Moran Blind School after Draupodi Murmu wins ) ।
জনমংগল আদৰ্শ অন্ধ বিদ্যালয়ৰ চৌহদত ঝুমুৰৰ তালে তালে নৃত্য কৰাৰ লগতে মিঠাই খাই আনন্দ কৰে ছাত্ৰ- ছাত্ৰীৰ লগতে বিদ্যালয়ৰ শিক্ষক শিক্ষয়িত্ৰী সকলে । দ্ৰুৌপদী মূৰ্মুক শুভেচ্ছা জনোৱাৰ উদ্দেশ্যে বিদ্যালয়ৰ প্ৰৱেশদ্বাৰ ফুলৰ মালাৰে সজাই তুলিলে বিদ্যালয়ৰ কৰ্তৃপক্ষই ।
উল্লেখ্য যে 1971 চনত মৰাণৰ ডোমৰদলং গাঁৱত কেৱল দুগৰাকী দৃষ্টিহীন শিক্ষাৰ্থীৰে আৰম্ভ কৰা বিদ্যালয়খন বৰ্তমান দেশৰ এখন আগশাৰীৰ অন্ধ বিদ্যালয় হিচাপে পৰিগণিত হৈছে ৷ সম্প্ৰতি প্ৰায় 4 কুৰি শিক্ষাৰ্থী আৰু শিক্ষকেৰে পূৰ্ণ পৰ্যায়ৰ শিক্ষানুষ্ঠানলৈ পৰিণত হৈছে বিদ্যালয়খন ।
ঔফুলীয়া চাহ বাগিচাৰ পৰিচালক মেজৰ এছ.এন বেনাৰ্জীৰ তত্ত্বাৱধানত অন্ধ বিদ্যালয়খনে অগ্ৰগতি লাভ কৰিছিল ৷ মেজৰ এছ.এন বেনাৰ্জীৰ মৃত্যুৰ পাছত তেওঁৰ পুত্ৰ আন্তঃৰাষ্ট্ৰীয় খ্যাতি সম্পন্ন অভিনেতা ভিক্টৰ বেনাৰ্জীৰ পৰিচালনাত সম্প্ৰতি মৰাণৰ জনমংগল আদৰ্শ অন্ধ বিদ্যালয় দেশৰ ভিতৰতে এখন পূৰ্ণ পৰ্যায়ৰ দৃষ্টিহীন বিদ্যালয় ৰূপে পৰিগণিত হৈছে ৷
লগতে পঢ়ক: Presidential Election 2022 : দ্ৰৌপদী মূৰ্মুৰ বিজয়ৰ পাচত বোকাখাতত বিজয় উৎসৱ
