তেজপুৰ, ১৪ নৱেম্বৰ : Spear Corps ৰ অধীনত মণিপুৰ আৰক্ষীৰ সৈতে এক যুটীয়া অভিযানত অসম ৰাইফলছৰ ফুন্দ্ৰেই বেটেলিয়নে কাকচিংৰ ৱাবাগাই য়ানবি উচ্চ বিদ্যালয়ৰ ওচৰত ২০ ৰাউণ্ড এম ৭৯ গ্ৰেনেড লাঞ্চাৰ ( ইয়াক লাথোড নামেৰেও জনা যায়) উদ্ধাৰ কৰিছে । ৱাবাগাই য়াংবিৰ ওচৰত যুদ্ধ সামগ্ৰীৰ ভাণ্ডাৰ সম্পৰ্কে থকা গোপন সূত্ৰৰ পম খেদি এই অভিযান চলায় বাহিনীটোৱে ৷
অসম ৰাইফলছ আৰু মণিপুৰ আৰক্ষীয়ে আৰম্ভ কৰা এই যুটীয়া অভিযানত এটা পাটৰ মোনাত লুকুৱাই থোৱা 20 ৰাউণ্ড গ্ৰেনেড উদ্ধাৰ হৈছে । পিছত, উদ্ধাৰ হোৱা সামগ্ৰীবোৰ বোমা নিষ্কাশনকাৰী দলৰ দ্বাৰা ইন-চিটুত ধ্বংস কৰা হয় । উল্লেখযোগ্য যে, শনিবাৰৰ দিনটোত মণিপুৰত অসম ৰাইফলছৰ এটা গোটৰ কমাণ্ডিং অফিচাৰ এজনৰ কনভয়ত উগ্ৰপন্থীয়ে আক্ৰমণ কৰে ৷ এই আক্ৰমণত অসম ৰাইফলছৰ কমাণ্ডেণ্ট গৰাকী আৰু তেওঁৰ পৰিয়ালৰ সদস্য সকল নিহত হয় ৷
জিলাখনৰ এছ চাইখোম গাঁৱত সংঘটিত এই ঘটনাত সন্দেহযুক্ত উগ্ৰপন্থীয়ে পাঁচজন সৈনিক আৰু দুজন নাগৰিকসহ প্ৰায় সাতজন লোকক হত্যা কৰাৰ কথা জানিব পৰা গৈছে । সম্প্ৰতি এই ঘটনাৰ লগত জড়িত সকলৰ বিৰুদ্ধে অভিযান অব্যাহত আছে । ইতিমধ্যে, দেশজুৰি সন্ত্ৰাসবাদৰ এই ঘটনাৰ বিৰুদ্ধে সকলোৱে সমস্বৰে ধিক্কাৰ দিয়া দেখা গৈছে ৷
লগতে পঢ়ক : Ambush In Manipur : সুমন স্বৰ্গীয়াৰীৰ মৃত্যুৰ খবৰত শোকস্তব্ধ বাক্সা
