নিউজ ডেস্ক, 3 ডিচেম্বৰ : বিধানসভা নিৰ্বাচনত ৰাজস্থানত কংগ্ৰেছ দল পৰাজিত হোৱাৰ পাছতেই দেওবাৰে সন্ধিয়া মুখ্যমন্ত্ৰী অশোক গেহলটে ৰাজ্যপাল কলৰাজ মিশ্ৰক পদত্যাগ পত্ৰ দাখিল কৰে ৷ ৰাজভৱনত উপস্থিত হৈ মুখ্যমন্ত্ৰী গেহলটে পদত্যাগ পত্ৰ ৰাজ্যপালৰ হাতত তুলি দিয়ে ৷
সংবাদ মাধ্যমৰ সৈতে হোৱা এক সাক্ষাৎকাৰত গেহলটে কয়, "মই সদায় কৈ আহিছো যে মই ৰাইজৰ জনাদেশ গ্ৰহণ কৰিম আৰু ভৱিষ্যত চৰকাৰলৈ মোৰ শুভেচ্ছা জনাইছো ৷ আশা কৰিছো তেওঁলোকে ৰাজ্যবাসীৰ কল্যাণৰ বাবে কাম কৰিব ৷ ফলাফল সন্দৰ্ভত তেওঁ কয়, "এয়া আচৰিত ফলাফল ৷"
ইফালে বিজেপিৰ মহিন্দ্ৰ সিং ৰাথোৰক পৰাস্ত কৰি 26,396 টা ভোটৰ ব্যৱধানেৰে চৰ্দাৰপুৰাৰ আসনত মুখ্যমন্ত্ৰী অশোক গেহলটে জয়লাভ কৰে ৷ দেওবাৰে নিৰ্বাচন আয়োগৰ তথ্য অনুসৰি গেহলটে 96,859 টা ভোট লাভ কৰাৰ বিপৰীতে বিজেপিৰ প্ৰাৰ্থীগৰাকীয়ে লাভ কৰে 70,463 টা ভোট ৷ ইয়াৰ পূৰ্বে মুখ্যমন্ত্ৰীগৰাকীয়ে জয়পুৰৰ দলীয় কাৰ্যালয়লৈ গৈ জ্যেষ্ঠ নেতাসকলৰ সৈতে নিৰ্বাচনৰ ফলাফল সন্দৰ্ভত আলোচনা কৰে ৷
-
राजस्थान की जनता द्वारा दिए गए जनादेश को हम विनम्रतापूर्वक स्वीकार करते हैं। यह सभी के लिए एक अप्रत्याशित परिणाम है। यह हार दिखाती है कि हम अपनी योजनाओं, कानूनों और नवाचारों को जनता तक पहुंचाने में पूरी तरह कामयाब नहीं रहे।
— Ashok Gehlot (@ashokgehlot51) December 3, 2023 " class="align-text-top noRightClick twitterSection" data="
मैं नई सरकार को शुभकामनाएं देता हूं। मेरी उनको सलाह है…
">राजस्थान की जनता द्वारा दिए गए जनादेश को हम विनम्रतापूर्वक स्वीकार करते हैं। यह सभी के लिए एक अप्रत्याशित परिणाम है। यह हार दिखाती है कि हम अपनी योजनाओं, कानूनों और नवाचारों को जनता तक पहुंचाने में पूरी तरह कामयाब नहीं रहे।
— Ashok Gehlot (@ashokgehlot51) December 3, 2023
मैं नई सरकार को शुभकामनाएं देता हूं। मेरी उनको सलाह है…राजस्थान की जनता द्वारा दिए गए जनादेश को हम विनम्रतापूर्वक स्वीकार करते हैं। यह सभी के लिए एक अप्रत्याशित परिणाम है। यह हार दिखाती है कि हम अपनी योजनाओं, कानूनों और नवाचारों को जनता तक पहुंचाने में पूरी तरह कामयाब नहीं रहे।
— Ashok Gehlot (@ashokgehlot51) December 3, 2023
मैं नई सरकार को शुभकामनाएं देता हूं। मेरी उनको सलाह है…
25 নৱেম্বৰত ৰাজস্থানৰ 200 টা বিধানসভা সমষ্টিৰ ভিতৰত 199 টা সমষ্টিত ভোটগ্ৰহণ অনুষ্ঠিত হৈছিল ৷ কংগ্ৰেছ প্ৰাৰ্থী গুৰমীত সিং কুনাৰৰ মৃত্যুৰ বাবে শ্ৰীগংগনগৰৰ কৰণপুৰ আসনৰ নিৰ্বাচন পিছুৱাই দিয়া হৈছিল ৷ 25 নৱেম্বৰত ৰাজস্থানত অনুষ্ঠিত হোৱা বিধানসভা নিৰ্বাচনত ভোট গণনাৰ কাম আৰম্ভ হয় কটকটীয়া নিৰাপত্তাৰ ব্যৱস্থাৰ মাজতে পুৱা 8 বজাৰ পৰা ৷ ভোটগ্ৰহণলৈ যোৱা ৰাজ্যখনৰ 200 টা বিধানসভা সমষ্টিৰ ভিতৰত 199 টাত মুঠ 36 টা গণনা কেন্দ্ৰ স্থাপন কৰা হৈছে ৷
উল্লেখ্য যে, বিধানসভা নিৰ্বাচনত কংগ্ৰেছ শাসিত ৰাজস্থানত শেষ হাঁহি মাৰে বিজেপিয়ে ৷ 199 খন আসনৰ 115 খনত জয়লাভ কৰে বিজেপিয়ে ৷ আনহাতে কংগ্ৰেছ দলে লাভ কৰে 70 খন আসন, অন্যান্য দলে লাভ কৰে 14 খন আসন ৷
লগতে পঢ়ক : হিন্দীবলয়ত সম্পূৰ্ণৰূপে উৎখাত হ’ল কংগ্ৰেছ !
