আগৰতলা,15 মাৰ্চ: সোমবাৰে ত্ৰিপুৰালৈ অনা হয় এনএলএফটি প্ৰধান পৰিমল দেৱবাৰ্মাক ৷ মিজোৰাম আদালতে উগ্ৰপন্থীজনক ৰিমাণ্ড প্ৰদান কৰাৰ পাছত দেৱবাৰ্মাক ত্ৰিপুৰাৰ কাঞ্চনপুৰ থানালৈ প্ৰেৰণ কৰা হয় ৷ আৰক্ষীৰ তথ্য় অনুসৰি উগ্ৰপন্থীজনক ক’ভিড টেষ্টৰ পাছত পৰৱৰ্তী সময়ত ত্ৰিপুৰা আদালতত হাজিৰ কৰা হ’ব ৷ "দেৱবাৰ্মা এনএলএফটি বিশ্বমোহন গোটৰ এটা অংশীদাৰী দল এনএলএফটি গোটৰ নেতৃত্বত আছিল ৷
উল্লেখযোগ্য যে, গ্ৰেপ্তাৰৰ সময়ত তেওঁৰ পৰা কেইবাখনো মুক্তিপণ বিচৰা টোকা উদ্ধাৰ কৰা হৈছিল । এই গোটটোৱে টিটিএএডিচি নিৰ্বাচনত একাংশ ৰাজনৈতিক দলক সমৰ্থন কৰি কোনো কোনো অঞ্চলত অশান্তিৰ সৃষ্টি কৰি আহিছিল । গুৰুত্বপূৰ্ণ জিলা পৰিষদৰ নিৰ্বাচনৰ আগতে তেওঁৰ গ্ৰেপ্তাৰ আৰক্ষীৰ বাবে এক ডাঙৰ সফলতা ৷ ১১ মাৰ্চত আৰক্ষীয়ে মিজোৰামৰ ৰাজধানী আইজলত পৰিমল দেৱবাৰ্মাৰ উপস্থিতি সম্পৰ্কে তথ্য লাভ কৰাৰ পাছতেই মিজোৰাম আৰক্ষীৰ সহায়ত গ্ৰেপ্তাৰ কৰা হয় ৷
