স্পোৰ্টছ ডেস্ক, 3 ডিচেম্বৰ : ভাৰত আৰু নিউজিলেণ্ডৰ মাজত প্ৰথমখন টেষ্ট ড্ৰ’ হোৱাৰ পিছত দ্বিতীয় খন টেষ্ট(India vs New Zealand second Test)ৰ বাবে মুম্বাইৰ ৱানখেডে ষ্টেডিয়াম(Wankhede Stadium Mumbai)ত পুনৰ দুয়োটা দল মুখামুখি হৈছে । ' টছত জয়ী হোৱাৰ পিছত, ভাৰতীয় অপেনিং যুটি মায়াংক আৰু গিলে বেটিং আৰম্ভ কৰিছে । 15 অভাৰৰ পিছত স্ক’ৰ বোৰ্ডত 50 ৰ অধিক ৰাণ যোগ হৈছে । অৱশ্যে, বৰষুণৰ বাবে, খেলখন স্তব্ধ হৈ পৰিছে । খেলখনত পলম হোৱাৰ বাবে খেলুৱৈসকলক মধ্যাহ্ন ভোজনৰ বিৰতি দিয়া হৈছে ৷
ইফালে ভাৰতীয় দলটোলৈ অধিনায়ক বিৰাট কোহলী(Indian skipper Virat Kohli) উভতি অহাৰ লগে লগে ইশান্ত শৰ্মা, আজিংক্য ৰাহানে আৰু ৰবীন্দ্ৰ জাদেজাক দলৰ পৰা বাহিৰত ৰখা হৈছে । বিচিচিআইৰ টুইটাৰ হেণ্ডেলৰ তৰফৰ পৰাও এই কথা ঘোষণা কৰা হৈছে ৷ কানপুৰ টেষ্টৰ সময়ত পোৱা আঘাতৰ বাবে ইশান্ত শৰ্মা আঙুলিৰ বিষত ভুগি আছে ৷ একেদৰে জাদেজা আৰু ৰাহানেও আঘাত জনিত সমস্যাত ভুগি আছে ।
বিচিচিআইৰ চিকিৎসা দলে তিনিওজনৰ আঘাতৰ শুশ্ৰূষা কৰি আছে বুলি জানিব পৰা গৈছে ৷ আনহাতে, নিউজিলেণ্ডৰ অধিনায়ক কেন উইলিয়ামছন(New Zealand skipper Kane Williamson ) খেলপথাৰত আছে যদিও কিলাকুটিৰ আঘাতৰ বাবে তেওঁ টেষ্টৰ পৰা বাহিৰ হ'ব আৰু খেলখনত তেওঁৰ হৈ টম লাথামে অধিনায়কত্বৰ দায়িত্ব চম্ভালিব ৷
লগতে পঢ়ক :ISL 2021-22 : ১-১ গ'লত খেল সমাপ্ত কৰিলে জামছেদপুৰ আৰু হায়দৰাবাদে
