নেশ্যনেল ডেস্ক, 12 নৱেম্বৰ: সীমান্ত সুৰক্ষা বাহিনীৰ জোৱানসকলে পালন কৰিছে পোহৰৰ উৎসৱ দেৱালী ৷ ভাৰত-পাকিস্তান আন্তঃৰাষ্ট্ৰীয় সীমান্তত দেশৰ নিৰাপত্তাৰ বাবে নিয়োজিত সীমান্ত সুৰক্ষা বাহিনীৰ জোৱানসকলে নিজৰ ঘৰ আৰু পৰিয়ালৰ পৰা বহু দূৰৈত থাকি আন্তঃৰাষ্ট্ৰীয় সীমান্তত উদযাপন কৰিছে দীপাৱলী উৎসৱ ।
সীমান্ত সুৰক্ষা বাহিনীৰ জোৱানসকলে তেওঁলোকৰ বিশেষ সাজ তথা ইউনিফৰ্ম পিন্ধাৰ পিছত তেওঁলোকৰ বাবে নিজৰ পৰিয়ালতকৈ দেশৰ সেৱা আৰু নিৰাপত্তা অধিক গুৰুত্বপূৰ্ণ বুলি বিবেচনা কৰি কৰ্মক্ষেত্ৰত পালন কৰে পোহৰৰ উৎসৱ দীপাৱলী ৷ ইটিভি ভাৰতৰ প্ৰতিনিধি যেতিয়া উক্ত সীমান্তত উপস্থিত হ’ল তেতিয়া জোৱানসকলৰ সুখ দুগুণে বাঢ়িল । দূৰৈৰ পৰা হ’লেও এই উৎসৱৰ বতৰত পৰিয়ালটোক দেখি পৰিয়ালটোৱে আনন্দিত হ’ব বুলি আশা কৰি সীমান্তত নিয়োজিত জোৱানসকলৰ আনন্দ-উল্লাস দুগুণে বৃদ্ধি পায় ।
জয়ছালমেৰ জিলাৰ ভাৰত-পাকিস্তান সীমান্তত থকা বি এছ এফৰ বীৰ জোৱানসকলৰ লগতে মহিলা জোৱানেও ঘৰ-দুৱাৰ আৰু পৰিয়ালৰ পৰা আঁতৰত থাকি সীমান্তত নিজৰ কৰ্তব্য সমাপন কৰি উৎসাহ আৰু আনন্দৰে দীপাৱলী উৎসৱ উদযাপন কৰিছে । দীপাৱলী উপলক্ষে জোৱানসকলে সীমান্তত বেৰ দি আৰু সীমান্তৰ চকীত লেম্প আৰু চাকি জ্বলাই আন্তঃৰাষ্ট্ৰীয় সীমান্ত আলোকিত কৰাৰ লগতে ইজনে সিজনক মিঠাই খুৱাই সতীৰ্থ জোৱান আৰু বিষয়াসকলক দীপাৱলীৰ শুভেচ্ছা জনায় ।
দেশৰ নিৰাপত্তাৰ বাবে সীমান্তত উৎসৱৰ বতৰতো নিয়োজিত হৈ থকা জোৱানসকলে ETV Bharat ৰ আগত কয়, "আমি কৰ্তব্যনিষ্ঠা সহকাৰে সীমান্ত পহৰা দিওঁ । যাতে প্ৰতিজন দেশবাসীয়ে সম্পূৰ্ণ উদ্যম আৰু উত্তেজনাৰে দেৱালী বা আন যিকোনো উৎসৱ পালন কৰিব পাৰে । এই আন্তঃৰাষ্ট্ৰীয় সীমান্ত আমাৰ ঘৰ আৰু আমি সকলো জোৱানে একেলগে ইয়াত দীপাৱলী উৎসৱ উদযাপন কৰো ।
জোৱানসকলে লগতে কয় যে যিদৰে তেওঁলোকে সম্পূৰ্ণ উৎসাহেৰে দীপাৱলী উৎসৱ পালন কৰে, ঠিক সেইদৰে তেওঁলোকে সম্পূৰ্ণ তৎপৰতাৰে নিজৰ কৰ্তব্যও পালন কৰে যাতে দেশৰ সকলো শ্ৰেণীৰ জনসাধাৰণ সুৰক্ষিত হৈ থাকে । এই সময়ছোৱাত সীমান্তত চাকি জ্বলাই, মিঠাই বিতৰণ কৰাৰ উপৰিও জোৱানসকলে সীমান্ত চকীত আতচবাজীও বিস্ফোৰণ কৰে ৷
লগতে পঢ়ক: Israel Hamas war: যুদ্ধবিৰতিৰ আহ্বান নেওচি ইজৰাইলে এইবাৰ আক্ৰমণ চলাইছে দেশখনৰ বৃহৎ হাস্পতাল শ্বিফাত
