নেশ্যনেল ডেস্ক, ২ ছেপ্টেম্বৰ : দেশৰ ৫ খন ৰাজ্যত বিধানসভা নিৰ্বাচন আৰু লোকসভা নিৰ্বাচন সন্মুখত । তাৰ প্ৰাকক্ষণত শাসকীয় আৰু বিৰোধী ব্যাপক তৎপৰ হৈ পৰিছে । দুয়োপক্ষৰ নেতাসকলৰ বাকযুদ্ধও অব্যাহত আছে । ইয়াৰ মাজতে বিৰোধী কংগ্ৰেছক পুনৰ আক্ৰমণ বিজেপিৰ মুৰব্বী জে পি নাড্ডাৰ । জে পি নাড্ডাই বিৰোধী দলসমূহ বিশেষকৈ কংগ্ৰেছক তীব্ৰ সমালোচনা কৰে । তেওঁৰ মতে কংগ্ৰেছে প্ৰধানমন্ত্ৰী নৰেন্দ্ৰ মোদীক আঁতৰাব বিচাৰিছিল কাৰণ তেওঁলোক তেওঁলোকৰ পৰিয়ালকলৈ চিন্তিত ।
নিৰ্বাচনমুখী ৰাজস্থানৰ চৱাই মাধোপুৰ জিলাত 'পৰিৱৰ্তন যাত্ৰা' শীৰ্ষক বিজেপিৰ এক কাৰ্যসূচীত ৰাইজক সম্বোধন কৰি নাড্ডাই কয় যে বিৰোধী দলবোৰে কয় যে মোদীক আঁতৰাওক কাৰণ তেওঁলোক তেওঁলোকৰ পৰিয়ালক লৈ চিন্তিত । কিন্তু বিজেপিয়ে ক'ব যে মোদীক আগুৱাই নিয়াৰ বাবে সমৰ্থন কৰক ।
নাড্ডাই অশোক গেহলটৰ চৰকাৰক 'গৃহ-লুট চৰকাৰ' বুলি অভিহিত কৰি সমালোচনা কৰে । তেওঁ কয় যে এয়া গেহলট চৰকাৰ নহয়, গৃহ লুণ্ঠনৰ চৰকাৰ । নাড্ডাৰ মতে কংগ্ৰেছৰ অৰ্থ হৈছে লুণ্ঠন, দুৰ্নীতি, অত্যাচাৰ আৰু অপশাসন ।
নাড্ডাই লগতে কয় যে ৰাজস্থানৰ কংগ্ৰেছ চৰকাৰে দুৰ্নীতিৰ বাবে বিধায়কসকলক সম্পূৰ্ণ স্বাধীনতা দিছে । তেওঁ অভিযোগ কৰে যে বিধায়কসকলে দিল্লীত তেওঁলোকৰ মালিকৰ পকেট গৰম কৰে । ইফালে অনুষ্ঠানৰ পূৰ্বে বিজেপিৰ সভাপতিগৰাকীয়ে এগৰাকী জনজাতীয় মহিলাক উলংগ কৰি পেৰেড কৰাৰ ঘটনাক লৈ ৰাজস্থান চৰকাৰক তীব্ৰ সমালোচনা কৰি কয় যে ৰাজ্যখনত আইন শৃংখলাৰ অৱনতি হৈছে আৰু মুখ্যমন্ত্ৰী আৰু তেওঁৰ সহকৰ্মীসকল দলীয় যুঁজত ব্যস্ত হৈ আছে ।
নাড্ডাই এক্সত ৰাজস্থানৰ প্ৰতাপগড়ৰ ঘটনাটোক লৈ উদ্বেগ প্ৰকাশ কৰে । ৰাজস্থানৰ মুখ্যমন্ত্ৰী আৰু মন্ত্ৰীসকলে দলীয় কাজিয়া নিষ্পত্তি কৰাত ব্যস্ত আৰু বাকী সময় দিল্লীৰ এটা ৰাজবংশক সন্তুষ্ট কৰাত অতিবাহিত কৰিছে । ৰাজ্যখনত মহিলাৰ সুৰক্ষাৰ বিষয়টো সম্পূৰ্ণৰূপে উপেক্ষা কৰা হৈছে বুলিও তেওঁ অভিযোগ কৰে ।
