নিউজ ডেস্ক, 25 ডিচেম্বৰ: টাইগাৰ ৱুড্ছ :
2019ৰ 14এপ্ৰিলত টাইগাৰ উড্ছে 15 সংখ্যক চূড়ান্ত খিতাপৰ লগতে পঞ্চমটো মাৰ্ষ্টাৰ্ছ হিচাপে অভিলেখ দখল কৰে ৷ তেওঁ 11 বছৰ বয়সতেই প্ৰথমটো খিতাপ দখল কৰিছিল ৷
বেন ষ্ট্ৰ'ক্ছ:-
বেন ষ্ট্ৰ'ক্ছে এইবৰ্ষত পোনপ্ৰথমবাৰৰ বাবে ইংলেণ্ডক বিশ্বকাপ জয়ৰ সোৱাদ দিলে ৷ 2019ৰ ক্ৰিকেট বিশ্বকাপৰ ফাইনেলত মেন অফ দ্য মেচৰ খিতাপ দখল কৰে ইংলেণ্ডৰ বেন ষ্ট্ৰ'ক্ছে ৷
ন'ভাক ডিজ'ক'ভিজ
ন'ভাক ডিজ'ক'ভিজে অৰ্জন কৰে 2019 বৰ্ষৰ উইম্বলডনৰ চূড়ান্ত খিতাপ ৷ 4 ঘণ্টা 57 মিনিটৰ উইম্বলডনৰ সবাতোকৈ দীঘলীয়া খেলখনত 7-6, 1-6, 7-6, 4-6, আৰু 13-12 ছেটত উইম্বলডন খিতাপ নিজৰ নামত কৰে ন'ভাক ডিজ'ক'ভিজে ৷
ছিয়া ক'লিছি
দক্ষিণ আফ্ৰিকাৰ প্ৰথমজন ব্লেক অধিনায়ক হিচাপে দলক প্ৰতিনিধিত্ব কৰে ৰাগবি খেলুৱৈ ছিয়া ক'লিছিয়ে ৷ জাপানৰ য়'ক'হামাত অনুষ্ঠিত ৰাগবি বিশ্বকাপ ফাইনেলত ইংলেণ্ডত পৰাস্ত কৰে দক্ষিণ আফ্ৰিকাই ৷
লুই হেমিল্টন
এফ1 ৰ চালক লুই হেমিল্টনে US গ্ৰেণ্ড প্ৰিক্ছত তেওঁৰ ষষ্ঠটো খিতাপ অৰ্জন কৰে ৷ মুঠ 21 টা ৰেছৰ ভিতৰত 11 টাত জয়লাভ কৰি তেওঁ শৃংখলাৰ অন্ত পেলাই যাতে অতি সোনকালে তৃতীয়টো খিতাপ অৰ্জন কৰিব পাৰে ৷ মাইকেল শুমাকাৰৰ বিশ্ব অভিলেখ ভংগ কৰিবলৈ হেমিল্টনক মাথো এটা খিতাপৰ প্ৰয়োজন ৷
লিন্দছি ভ'ন
অৱসৰ গ্ৰহণৰ পূৰ্বে স্কী ৰেছত আন এক পদক অৰ্জন কৰে আমেৰিকাৰ স্কী ৰেছ খেলুৱৈ লিন্দছি ভ'নে ৷ ইঞ্জেমাৰ ষ্টেনমাৰ্কৰ বিশ্বকাপ অভিলেখ ভংগ কৰিব নোৱাৰিলে যদিও অন্তিমখন খেলত বহু ভাল প্ৰদৰ্শন কৰিবলৈ সক্ষম হয় 34 বছৰীয়া মহিলা খেলুৱৈগৰাকীয়ে ৷
মেগান ৰেপিন'
2019ৰ ফিফা মহিলা বিশ্বকাপত আমেৰিকা দলক প্ৰতিনিধিত্ব কৰে মেগান ৰেপিন'ই ৷ ফিফা মহিলা বিশ্বকাপত আমেৰিকাই নেডাৰলেণ্ডক 2-0 গ'লৰ ব্যৱধানত পৰাস্ত কৰি খিতাপ দখল কৰে ৷
এলিউড কিপক'গ
2019 চনৰ 12 অক্টোৱৰত অনুষ্ঠিত মাৰাথন দৌৰত অভিলেখ ৰচে ৷ এলিউড কিপক'গে৷ 2 ঘণ্টাৰ ভিতৰত মাৰাথন দৌৰ সম্পূৰ্ণ কৰা প্ৰথমগৰাকী খেলুৱৈ হিচাপে সুনাম অৰ্জন কৰে খেলুৱৈ গৰাকীয়ে ৷
লিভাৰপুল
ছেম্পিয়ন লিগত ষষ্ঠবাৰৰ বাবে জয়ৰ সোৱাদ লয় ফুটবল ক্লাৱ লিভাৰপুলে ৷ ফাইনেলত ট'টেনহামক 2-0 গ'লৰ ব্যৱধানত পৰাস্ত কৰে লিভাৰপুলে ৷
লগতে পঢ়ক : জি এছ টি ৰ সালসলনিৰ ক্ষেত্ৰত গুৰুত্ব আৰোপ ৰমেশ চান্দৰ
