নিউজ ডেস্ক, 12 মাৰ্চ: ভাৰতত দিনক দিনে বৃদ্ধি পাইছে Covid-19 ৰ আক্ৰান্তৰ সংখ্যা ৷ শেহতীয়াকৈ উত্তৰ প্ৰদেশত 10 টা লৈ বৃদ্ধি পাইছে Covid-19 ৰ সংক্ৰমণৰ ঘটনা ৷ বৃহস্পতিবাৰে এই কথা সদৰি কৰিছে উত্তৰপ্ৰদেশ চৰকাৰে ৷
10 টা সংক্ৰমণৰ ঘটনা পোহৰলৈ অহাৰ বিপৰীতে এতিয়া লৈকে 77 গৰাকী ৰোগীৰ তেজৰ নমুনাৰ ফলাফল আহিবলৈ বাকী থকা লগতে আন্তঃৰাষ্ট্ৰীয় সীমান্তত বৰ্তমানলৈকে 12 লাখ লোকক পৰীক্ষা-নিৰিক্ষা চলোৱা হৈছে বুলি জানিবলৈ দিয়ে ৷ আনহাতে বিমান বন্দৰত 15,000 লোকক নিৰিক্ষণ চলোৱা হৈছে ৷ ভাৰতত বৰ্তমানলৈকে 73 গৰাকী লোকৰ দেহত ধৰা পৰিছে কৰ'ণা ভাইৰাছৰ অৱস্থিতি ৷
এই মাৰাত্মক কৰ'ণা ভাইৰাছৰ সংক্ৰমণ প্ৰতিৰোধৰ বাবে কেন্দ্ৰীয় চৰকাৰে ইতিমধ্যে যথোপযুক্ত পদক্ষেপ হাতত লৈছে ৷ বিশ্ব স্বাস্থ্য সংস্থাই কৰ'ণা ভাইৰাছক মহামাৰী আখ্যা দিয়াৰ পাচতেই ভাৰত চৰকাৰে বহু কেইখন দেশৰ ভিছা 15 এপ্ৰিল লৈকে বাতিল কৰিছে ৷ বৰ্তমানলৈকে এই ভাইৰাছত 1,10,000 লোক সংক্ৰমিত হোৱাৰ বিপৰীতে প্ৰায় 4000 লোকৰ মৃত্যু ঘটিছে ৷ চীনত উদ্ভৱ হোৱা এই ভাইৰাছ বৰ্তমানলৈকে বিশ্বৰ 90 খন দেশলৈ বিয়পি পৰিছে ৷
লগতে চাওক-বিজেপিৰ নতুন গেমপ্লেনঃ অজিত ভূঞাক হৰুৱাবলৈ তৃতীয় আসনৰ প্ৰাৰ্থী হব অতনু ভূঞা
