বিজেপি প্ৰাৰ্থী ভাৰতী ঘোষলৈ ইটা নিক্ষেপ

ঘাটাল , 12 মে': পশ্চিমবংগৰ বিজেপি প্ৰাৰ্থী ভাৰতী ঘোষক দ'গাচিয়াত আক্ৰমণ ৷ দেওবাৰে ষষ্ঠ পৰ্যায়ৰ নিৰ্বাচনত ভোটাধিকাৰ সাব্যস্ত কৰিবলৈ যাওঁতে সংঘটিত হয় আক্ৰমণৰ ঘটনাটো ৷

অভিযোগ অনুসৰি স্থানীয় লোকে প্ৰাৰ্থীগৰাকীৰ বাহনলৈ ইটা নিক্ষেপ কৰে ৷ প্ৰাৰ্থীগৰাকীৰ ব্যক্তিগত নিৰাপত্তাবাহিনীয়ে লাঠি চাৰ্জ কৰি আক্ৰমণকাৰী লোকসকলক আঁতৰাই পঠিয়াবলৈ সক্ষম হয় যদিও আক্ৰমণত আহত হয় এগৰাকী নিৰাপত্তা বাহিনীৰ লোক ৷ প্ৰাক্তন প্ৰশাসনিক বিষয়া ভাৰতী ঘোষে ঘাটালত তৃণমূল কংগ্ৰেছৰ প্ৰাৰ্থী দীপক অধিকাৰীৰ বিৰুদ্ধে প্ৰতিদ্বন্দ্বিতা আগবঢ়াইছে ৷