গোলাঘাটত উৎকোচ লৈ পুনৰ হাত দাঙিলে বন বিষয়াই
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Mar 8, 2024, 6:36 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/08-03-2024/640-480-20936211-thumbnail-16x9-ckmzxk.jpg)
তিতাবৰ, 8 মাৰ্চ: ঘোচ ল’বলৈ এৰা নাই ৰাজ্যৰ চৰকাৰী বিষয়া-কৰ্মচাৰীয়ে ৷ ইজনৰ পিচত সিজনক দুৰ্নীতি নিৰ্বাৰক শাখাই গ্ৰেপ্তাৰ কৰাৰ পিচতো ক’লাটকাৰ লোভ এৰা নাই একাংশই ৷
এইবাৰ উৎকোচ লৈ হাত দাঙিল অসম চৰকাৰৰ বন বিভাগৰ এজন বিষয়াই । মেৰাপানীত দুৰ্নীতি নিৰ্বাৰক শাখাই অভিযান চলাই উৎকোচ লোৱাৰ সময়তে হাতেলোটে গ্ৰেপ্তাৰ কৰে জামুগুৰি আঞ্চলিক বন বিষয়া গোবিন্দ্ৰ টাইদক । শিল কঢ়িওৱা ডাম্পাৰৰ পৰা ভয়-ভাবুকিৰে বিশ হাজাৰ টকা উৎকোচ বিচাৰিছিল ব্যৱসায়ী দেৱজিৎ বৰাৰ পৰা ।
নিজ কাৰ্যালয়তে শুকুৰবাৰে বিয়লি ২০ হাজাৰ টকা উৎকোচ লৈ থাকোতেই গ্ৰেপ্তাৰ কৰা হয় বন বিষয়াজনক । উল্লেখ্য যে পূৰ্বতেও অঞ্চলটোৰ ব্যৱসায়ীসকলক ধনদাবী কৰি অতিষ্ঠ কৰি আহিছিল বিষয়াজনে । ঘটনাৰ সন্দৰ্ভত ঘিলাধাৰী আৰক্ষী আৰু দুৰ্নীতি নিৰ্বাৰক অব্যাহত ৰাখিছে জেৰা ।
লগতে পঢ়ক: ভোট বা ভাষণ সন্দৰ্ভত উৎকোচ গোচৰত গুৰুত্বপূৰ্ণ ৰায় আদালতৰ