গোলাঘাটত জালনোট সৰবৰাহত জড়িত কিশোৰ

By ETV Bharat Assamese Desk

Published : Jan 30, 2024, 7:31 PM IST

thumbnail

গোলাঘাট,৩০ জানুৱাৰী: গোলাঘাটৰ অব্যাহত জালনোটৰ ৰমৰমীয়া ব্যৱসায় ৷ গোলাঘাটৰ নামঘৰ আলিৰ পৰা কিশোৰসহ ছয়জনক সোধপোচৰ বাবে আটক গোলাঘাট আৰক্ষীৰ ৷ সোমবাৰে নামঘৰ আলিত এখন দোকানৰ পৰা পাঁচশ টকাৰ জালনোট দি বস্তু ক্ৰয় কৰে এজন কিশোৰে ৷ পাছত দোকানীজনে বজাৰৰ সামগ্ৰী ক্ৰয় কৰিবলৈ যাওতে কিশোৰজনে দিয়া পাঁচশ টকা নোটখন জাল বুলি অৱগত হয় । কিন্তু সেই একেজন কিশোৰে আজিও দোকানখনত বস্তু ক্ৰয় কৰিবলৈ আহোতেই স্থানীয় লোকে কিশোৰ কেইজনক ধৰি আৰক্ষীক খবৰ দিয়ে ৷  

ঘটনাস্থলীত গোলাঘাট সদৰ আৰক্ষীৰ এটা দল উপস্থিত হৈ কিশোৰসহ ছজন লোকক আটক কৰি থানালৈ লৈ যায় । পিছত কিশোৰ কেইজনৰ ভাষ্য অনুসৰি আৰক্ষীয়ে ধ্ৰুৱ নগৰৰ যুৱক অৰ্ণৱ হাজৰিকাৰ বাসগৃহত তালাচী চলাই পাঁচহাজাৰ টকাৰ জালনোট উদ্ধাৰ কৰে ৷ বৰ্তমান গোলাঘাট আৰক্ষীয়ে অৰ্ণৱ হাজৰিকা আৰু পত্নী জোনমণি হাজৰিকাক আটক কৰি সোধপোচ অব্যাহত ৰাখিছে ৷ ইফালে গোলাঘাটত এতিয়া জালনোটৰ ব্যৱসায়ত কিশোৰক নিয়োগ কৰা বিষয়টোৱে এতিয়া চাঞ্চল্যই বিৰাজ কৰিছে ৷

লগতে পঢ়ক: তিনিমাহে নিৰুদ্দেশ অসম আৰক্ষী জোৱান

ABOUT THE AUTHOR

...view details

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.