MLA Mynampally Fires on Harish Rao : 'హరీశ్‌రావు గల్లీ లీడర్‌ లెక్క మాట్లాడుతున్నారు.. ప్రజలు అన్నీ గమనిస్తున్నారు'

ఈ జిల్లాకు ఏం చేశారని బీఆర్ఎస్‌ను గెలిపించాలని మైనంపల్లి హనుమంతరావు నిలదీశారు. అధికార పార్టీ అగ్ర నేతలు రూ.కోట్లలో దోచుకుని దాచుకున్నారని ఆరోపించారు. మెదక్‌ను పట్టించుకుంటే.. గజ్వేల్, సిరిసిల్ల కన్నా ఎక్కువగా అభివృద్ధి చెందేదని అన్నారు. ఈ క్రమంలోనే మైనంపల్లి వచ్చిన తర్వాతే మెదక్‌కు వైద్య కళాశాల, రామాయంపేటకు రెవెన్యూ డివిజన్, డిగ్రీ కాలేజీ వచ్చాయని తెలిపారు. వీటిని ఇన్ని రోజులు ఎందుకు ఇవ్వలేదని ప్రశ్నించారు. మీరు ఎన్ని డబ్బులు ఖర్చు పెట్టినా ప్రయోజనం లేదని.. ప్రజలు అన్నీ గమనిస్తున్నారని మైనంపల్లి హనుమంతరావు వ్యాఖ్యానించారు.