రైలులో ప్రసవం.. తోటి మహిళలే ఆమెకు వైద్యులు

ప్రయాణిస్తున్న రైలులో ఓ మహిళ ప్రసవించింది. తోటి మహిళలే ఆమెకు వైద్యులయ్యారు. సికింద్రాబాద్​ నుంచి హజరత్​ నిజాముద్దీన్​ వెళ్లే దురంతో ఎక్స్​ప్రెస్​లో నిన్న జరిగిన ఘటనలో ఆమె ఆడపిల్లకు జన్మనిచ్చింది.

రైలులో ప్రయాణిస్తున్న మహిళ ప్రసవించింది. ఆడపిల్లకు జన్మనిచ్చింది. సికింద్రాబాద్ నుంచి హజరత్ నిజాముద్దీన్ వెళ్లే దురంతో ఎక్స్ ప్రెస్​లో గురువారం సాయంత్రం ఈ ఘటన చోటుచేసుకుంది.

సికింద్రాబాద్​లో కార్మికురాలిగా పనిచేసేసరితా పటేల్ ఛత్తీస్​గఢ్​లోని తన ఇంటికి వెళ్తుండగా జనగామ రైల్వే స్టేషన్ దాటగానే నొప్పులు ప్రారంభమయ్యాయి. పెండ్యాల స్టేషన్ దాటిన తర్వాత నొప్పులు ఎక్కువ కావడం వల్ల ఆమె రైలులోనే ప్రసవించింది.

అనంతరం 108కి సమాచారం అందించారు. రైలు వరంగల్ అర్బన్ జిల్లా కాజీపేట్ రైల్వేస్టేషన్​కి చేరుకోగానే అంబులెన్స్ సిబ్బంది తల్లికీ, బిడ్డకి ప్రాథమిక చికిత్స చేసి.. హన్మకొండలోని ప్రసూతి వైద్యశాలకు తరలించారు.

ఇదీ చూడండి : 'తెలంగాణలో ఎందుకు పుట్టానురా అనిపిస్తోంది