How To Build Confidence in Children : కొంత మంది పిల్లలు చదువులో ముందు వరసలో ఉంటారు. కానీ.. బయట ఏ పని చేయాలన్నా కూడా ఎంతో భయపడుతుంటారు. నా గురించి ఎవరు ఏమనుకుంటారో అని సిగ్గు పడుతుంటారు. అయితే.. ఇలా పిల్లలు తమకు సామర్థ్యం ఉన్నా కూడా వెనకడుగు వేయడానికి ఆత్మవిశ్వాసం లోపించడమే కారణమని నిపుణులంటున్నారు. పిల్లల్లో ఆత్మవిశ్వాసాన్ని పెంపొందించడానికి తల్లిదండ్రులే కృషి చేయాలని చెబుతున్నారు. దీనివల్ల వారు జీవితంలో ఎదురయ్యే అడ్డంకులను ఎదుర్కొని విజయం సాధిస్తారని పేర్కొన్నారు. పిల్లల్లో ఆత్మవిశ్వాసాన్ని పెంచడానికి తల్లిదండ్రులు ఏం చేయాలో ఇప్పుడు చూద్దాం.

ప్రేమ, మద్దతు అందించండి :
ఆత్మవిశ్వాసం ఉన్న మనిషి ఎవరైనా కూడా చాలా ధైర్యంగా ఉంటారు. వారు జీవితంలో ఎదురయ్యే ఆటంకాలు, సవాళ్లను ఎదుర్కొవాడినికి ఎప్పుడూ సిద్ధంగా ఉంటారు. అయితే.. ఈ అలవాటును తల్లిదండ్రులు పిల్లలకు చిన్నప్పుడే నేర్పించాలి. అందుకు అనుగుణంగా కృషి చేయాలని నిపుణులు చెబుతున్నారు. పిల్లలకు ప్రేమ, మద్దతును అందించి కొత్త విషయాలను నేర్చుకునేలా ప్రేరేపించాలని అంటున్నారు. దీనివల్ల వారిలో ఆత్మవిశ్వాసం పెరుగుతుందని పేర్కొన్నారు.

ప్రశంసించండి :
పిల్లలు పరీక్షల్లో ఎక్కువ మార్కులు సాధించినా, అలాగే ఆటల్లో చురుకుగా పాల్గొన్న కూడా వారిని ప్రశంసించండి. దీనివల్ల మీరు వారి వెంట ఉన్నారని పిల్లలకు తెలుస్తుంది. అయితే.. కొన్నిసార్లు పిల్లలు ఫెయిల్‌ అయినా కూడా వారిని నిరుత్సాహపరచకుండా.. మరోసారి ట్రై చేయమని ప్రోత్సహించండి. జీవితంలో గెలుపోటములు సహజమని.. కానీ, ప్రయత్నం మాత్రం ఎప్పటికీ విడవకూడదని చెప్పాలి.

స్వేచ్ఛను అందించండి :
పిల్లలు ఎప్పుడూ మీపైనే ఆధారపడి ఉండకుండా.. వారే స్వయంగా కొన్ని సొంత నిర్ణయాలు, బాధ్యతలను తీసుకునేలా స్వేచ్ఛను అందించండి. వారికి నచ్చిన డ్రెస్‌ కలర్‌ను ఎంపిక చేసుకోవడం, స్కూల్‌ బ్యాగ్‌ సర్దుకోవడం, షూ పాలిష్‌ చేసుకోవడం వంటివి చేయడం వల్ల వారిలో ఆత్మవిశ్వాసం పెరుగుతుంది. ఇలా సొంత పనులు చేసుకోవడం వల్ల వారు మంచి, చెడు విషయాలను కూడా నేర్చుకుంటారని నిపుణులు చెబుతున్నారు.

ఇతరులతో పోల్చకండి :
చాలా మంది తల్లిదండ్రులు ఎప్పుడూ కూడా తమ పిల్లలను ఇతరులతో పోల్చుతుంటారు. కానీ, ఇలా అస్సలు చేయకూడదని నిపుణులు చెబుతున్నారు. ముందుగా పిల్లలను వాళ్లకు వాళ్లు నచ్చేలా తీర్చిదిద్దండి. దీనివల్ల వారిలో ఆత్మవిశ్వాసం పెరుగుతుంది.

మీ పిల్లలు నిత్యం నవ్వుతూ ఉండాలా? - అయితే ఈ 5 విషయాలు చెప్పండి!

ఆరోగ్యంగా ఉండేలా :
పిల్లలు ఆరోగ్యంగా ఉంటే అదే వారికి కొండంత బలాన్ని, ఆత్మవిశ్వాసాన్ని కలిగిస్తుంది. కాబట్టి, వారికి చిన్నప్పటి నుంచే ఆరోగ్యకరమైన ఆహారపు అలవాట్లను నేర్పించండి. రోజూ సమతులు ఆహారంతో పాటు.. తాజా పండ్లు, కూరగాయలను అందించండి. అలాగే నడక, పరుగు, సైక్లింగ్‌, స్విమ్మింగ్ వంటి వ్యాయామాలు చేసేలా ప్రోత్సహించండి.

ఆదర్శంగా ఉండండి :
పిల్లలు తల్లిదండ్రులను చూసి చాలా విషయాలను నేర్చుకుంటారట. కాబట్టి, వారిని సరైన మార్గంలో ఉంచడానికి ముందు పేరెంట్స్‌ మంచి అలవాట్లు, పద్ధతులను కొనసాగించాలి. తర్వాత వారు మీ నుంచి మంచి విషయాలను నేర్చుకుంటారు.

చెడు స్నేహంతో ముప్పు :
పిల్లలు ఎవరితో స్నేహం చేస్తున్నారు ? ఆ పిల్లలు బాగా అల్లరి చేసేవారా ? వారు ఎలాంటి విషయాలను నేర్పిస్తున్నారు ? అనే విషయాలపై తల్లిదండ్రులు ఎప్పుడూ ఒక కంట కనిపెడుతుండాలి. ఒకవేళ వారు చెడు స్నేహం చేస్తుంటే.. దానివల్ల కలిగే అనర్థాల గురించి తెలియజేసి ఆ ఫ్రెండ్‌షిప్‌కు దూరంగా ఉండేలా చేయాలి. ఎందుకంటే.. పిల్లలు చెడు స్నేహం చేయడం వల్ల కూడా వారి ఆత్మవిశ్వాసం దెబ్బతినే ప్రమాదం ఉందని నిపుణులంటున్నారు.

మీ పిల్లలు కార్టూన్లు చూస్తున్నారా? పేరెంట్స్​గా మీరు ఈ విషయాలు తెలుసుకోవడం చాలా ఇంపార్టెంట్​! - Watching Cartoons Side Effects

ఎక్కువ మార్కులు సాధించే పిల్లల్లో ఉండే లక్షణాలేంటి? - వారు రోజూ ఏం చేస్తారు? - Good Qualities In Topper Children