విచారణలో కానిస్టేబుల్​ చేయి కొరికిన మహిళ

విచారణ నిమిత్తం తీసుకొచ్చిన  ఓ మహిళ  రామచంద్రాపురం పోలీసులకు చుక్కలు చూపించింది. అంతేకాక ఓ మహిళా కానిస్టేబుల్ చేయి కొరికి గాయపరిచింది.

సంగారెడ్డి జిల్లా రామచంద్రాపురం మండలం ఎల్లాపూర్​కు చెందిన స్వప్న అనే మహిళ కుటుంబ సభ్యులపై దాడి చేసింది. విచారణ నిమిత్తం ఆమెను పోలీసులు ఠాణాకు తరలించారు. ఆమె పోలీసులకు సహకరించకుండా రెండు గంటలపాటు ఇబ్బందిపెట్టడమే కాకుండా జ్యోతి అనే మహిళా కానిస్టేబుల్​ చేయి కోరికింది.

నిందితురాలి మానసిక స్థితి తెలుసుకునేందుకు స్వప్నను పటాన్​చెరు ప్రభుత్వాస్పత్రికి పోలీసులు తీసుకెళ్లారు. అక్కడకూడా వైద్యులకు సహకరించకుండా ఇబ్బందిపెట్టింది. అయితే పోలీసులను అష్టకష్టాలు పెట్టిన స్వప్న మద్యం మత్తులో ఉన్నట్లు సమాచారం.

ఇవీ చూడండి: వావి వరసలు మరిచి.. కూతురిపై అఘాయిత్యం