స్త్రీలపై రోజురోజుకు జరుగుతున్న లైంగిక దాడులు సభ్యసమాజాన్ని తలదించుకునేలా చేస్తున్నాయి. వావి వరుసలు మరిచిన కామాంధులు నైతిక విలువలకు పాతరేస్తున్నారు. సూర్యాపేట జిల్లా కేంద్రంలో ఓ మారు తండ్రి బిడ్డపై అత్యాచారం జరిపాడు. కన్న తండ్రిలా గుండెల్లో దాచుకోవలసిన వాడే.. విషనాగులా కూతురిని కాటేశాడు.
కూతురిపై అఘాయిత్యం..
చివ్వెంల మండలం మూన్యానాయక్ తండాకు చెందిన బానోతు శ్రీను పదేళ్ల కిందట సూర్యాపేటకు చెందిన ఓ మహిళను వివాహం చేసుకున్నాడు. భర్త మృతి చెంది అప్పటికే ముగ్గురు పిల్లలున్న మహిళను వివాహం చేసుకున్న శ్రీనును అప్పట్లో పెద్దమనసున్న వ్యక్తిగా భావించారు. కుటుంబం అంతా కలిసి నివాసం ఉంటున్నారు. బాలిక తల్లి కూలినాలి చేసి కుటుంబాన్ని నెట్టుకొస్తుంది. కూతురుపై కన్నేసిన మారు తండ్రి పదిరోజుల కిందట ఒంటరిగా ఉన్న బాలికపై అత్యాచారం జరిపాడు. ఎవరికైనా చెబితే ఇద్దరు తమ్ముళ్లు, అమ్మను చంపేస్తానని బెదిరించాడు. పొరపాటు జరిగిందని మరోమారు ఇలా చెడుగా వ్యవహరించనని బాలికకు సర్ధి చెప్పాడు.
మారోమారు వక్రబుద్ధి...
అమ్మ, తమ్ముళ్లను ఏమైనా చేస్తాడని భయపడిన బాలిక తనపై జరిగిన దారుణాన్ని మనసులో దాచుకుంది. మళ్లీ మారు తండ్రి వక్రబుద్ధిని బయటపెట్టాడు. ఒంటరిగా ఉన్న బాలికపై మరోమారు అత్యాచారం జరిపేందుకు యత్నించాడు. అతడి నుంచి తప్పించుకున్న బాలిక జరిగిన విషయాన్ని తల్లికి చెప్పి విలపించింది. తల్లిని వెంట పెట్టుకుని పోలీస్ స్టేషన్కువచ్చి ఫిర్యాదు చేసింది. ప్రబుద్ధుడిపై కేసు నమోదు చేసిన పోలీసులు విచారణ జరుపుతున్నారు.
ఇదీ చూడండి: బంగారం జోరుకు బ్రేకులు.. నేటి ధరలు ఇవే...
