కష్టాలు తెచ్చిపెట్టిన డ్యాన్సులు.. కానిస్టేబుళ్లపై చర్యలు..

స్నేహితుని పెళ్లిలో సరదాగా నృత్యాలు చేయడం సర్వసాధారణం.. కానీ అవే నృత్యాలు పోలీసులకు కొత్త కష్టాలను తెచ్చిపెట్టాయి. స్నేహితుని వివాహనికి హాజరై డాన్స్​ చేసిన పోలీసులపై ఉన్నతాధికారులు చర్యలు తీసుకున్నారు.

విందులో సరదా కోసం చేసిన నృత్యాలు పోలీసులకు కొత్త సమస్యలు సృష్టించాయి. ఇటీవల రంగారెడ్డి జిల్లా షాద్​నగర్​లో పాత్రికేయులతో కలిసి సీఐ శ్రీధర్ కుమార్ నృత్యాలు చేశారు. సమాచారం తెలిసిన అధికారులు సైబరాబాద్ కమిషనరేట్​ కార్యాలయానికి అటాచ్ చేశారు.

తాజాగా రామేశ్వరం సమీపంలో మిత్రుని వివాహానికి వెళ్లి నృత్యాలు చేసినందుకు కొత్తూరు ఏఎస్సై బాలస్వామి, కానిస్టేబుళ్లు అశోక్​ రెడ్డి, అమర్​నాథ్, చంద్రమోహన్, వెంకటేష్​గౌడ్, రామకృష్ణారెడ్డిలను సైతం సీపీకి అటాచ్ చేశారు. శనివారం కొత్తూరులో ఈ విషయాన్ని డీసీపీ ప్రకాశ్​ రెడ్డి వెల్లడించారు.

ఇదీ చూడండి :డబుల్ బెడ్​రూం కోసం.. తెలంగాణ భవన్ వద్ద ఆందోళన