Gannavaram Airport: విజయవాడ నుంచి అంతర్జాతీయ విమానయాన సేవలు నేడు ప్రారంభమవుతాయని మచిలీపట్నం ఎంపీ వల్లభనేని బాలశౌరి తెలిపారు. విమానయాన శాఖ మంత్రి, ఎయిర్ ఇండియా అధికారులతో అనేకసార్లు ఈ విషయమై దిల్లీలో చర్చించిన తర్వాత అనుమతులు లభించాయన్నారు. ఎయిర్ ఇండియా వారిచే విజయవాడ నుంచి షార్జాకు వారంలో రెండు రోజులు పాటు సర్వీసులు నడపనున్నట్లు తెలిపారు.
ప్రతి సోమవారం, శనివారం రాత్రి 9.05 గంటలకు విమానం బయలు దేరుతుందని తెలిపారు. ఈ రోజు సాయంత్రం తొలిసారిగా విజయవాడ వచ్చి షార్జాకు ప్రయాణీకులను తీసుకెళ్లనుందని అన్నారు. అలాగే విజయవాడ నుంచి మస్కట్కు ప్రతి శనివారం మధ్యాహ్నం 1.15 గంటలకు, విజయవాడ నుంచి కువైట్కు ప్రతి బుధవారం సాయంత్రం 4.30 గంటలకు విమానాలు నడుపుతారని తెలిపారు.