Heavy Rain in Hyderabad : హైదరాబాద్ నగరాన్ని భారీ వర్షాలు వణికిస్తున్నాయి. అర్ధరాత్రి వేళ ఊహించని విధంగా కురిసిన వాన.. ప్రజలను అతలాకుతలం చేసింది. పాతబస్తీ, నారాయణగూడ, ఖైరతాబాద్, చంపాపేట్, దిల్సుఖ్నగర్, ఎల్బీనగర్, వనస్థలిపురం ప్రాంతాల్లో 3 గంటల పాటు ఏకధాటిగా వర్షం కురిసింది. భారీ వానలకు మూసీ ఉప్పొంగుతోంది. మూసారాంబాగ్ వంతెన పైనుంచి వరద నీరు ప్రవహిస్తోంది. ఈ క్రమంలోనే మూసారాంబాగ్ నుంచి గోల్నాక వైపు కాసేపు రాకపోకలు నిలిచిపోయాయి. మలక్పేట వంతెన కింద భారీగా వర్షం నీరు నిలిచిపోయింది. రోడ్లపై నిలిచిన వరద నీటితో వాహనదారులు అవస్థలకు గురయ్యారు.
నాంపల్లిలోని పలు కాలనీల్లోకి వరద నీరు చేరింది. పటేల్నగర్లోని సాయికృప అపార్ట్మెంట్ చెరువును తలపిస్తోంది. పలు వాహనాలు నీటిలో మునిగిపోయాయి. సరూర్నగర్, కోదండరాం నగర్తో పాటు పలు కాలనీల్లోకి భారీగా వరద నీరు చేరింది. సూరారం తెలుగుతల్లి నగర్లో మోకాళ్ల లోతు నీరు చేరింది. దీంతో రంగంలోకి దిగిన జీహెచ్ఎంసీ అధికారులు ముంపు ప్రాంతాల్లో సహాయక చర్యలను ముమ్మరం చేశారు.