తన చిరకాల కలను నిజం చేసుకున్నానంటూ ట్విట్టర్లో ఓ పోస్ట్ పెట్టాడు స్టార్ జావెలిన్ క్రీడాకారుడు నీరజ్ చోప్డా. తన తల్లిదండ్రులను మొదటిసారి విమానం ఎక్కించిన ఫొటోను షేర్ చేశాడు.
టోక్యో ఒలింపిక్స్లో స్వర్ణం సాధించిన జావెలిన్ స్టార్ నీరజ్ చోప్డా మరోసారి వార్తల్లో నిలిచాడు. తన తల్లిదండ్రులను విమానం ఎక్కించడం తన కల అని.. శనివారం అది నెరవేరిందని ట్వీట్ చేశాడు.
"నేను కన్న ఓ చిన్న కల ఈరోజు నెరవేరింది. మొదటిసారిగా నా తల్లిదండ్రులను విమానం ఎక్కించాను"
--నీరజ్ చోప్డా, జావెలిన్ త్రో క్రీడాకారుడు.
ఒలింపిక్స్ పతకం గెలిచిన నీరజ్ చోప్డాకు సామాజిక మాధ్యమాల్లో ఫాలోయింగ్ విపరీతంగా పెరిగింది. ఈ నేపథ్యంలో తనకు మద్దతుగా నిలిచిన వారందరికి ధన్యవాదాలు తెలుపుతూ ఇన్స్టా గ్రామ్లో మరో పోస్ట్ చేశాడు నీరజ్.
