Warner India Test Series: ప్రస్తుతం జరుగుతున్న యాషెస్ సిరీస్లో సత్తాచాటుతున్నాడు ఆస్ట్రేలియా విధ్వంసకర ఓపెనర్ డేవిడ్ వార్నర్. ఇప్పటివరకు జరిగిన మూడు టెస్టుల్లో జట్టు గెలుపులో కీలకపాత్ర పోషించాడు. తాజాగా తన టెస్టు రిటైర్మెంట్పై మాట్లాడుతూ కీలక వ్యాఖ్యలు చేశాడు. రిటైర్మెంట్ కంటే ముందు 2023లో ఇంగ్లాండ్లో జరగబోయే యాషెస్తో పాటు భారత గడ్డపై టెస్టు సిరీస్ గెలవాలని కోరికగా ఉందన్నాడు.
"భారత్ గడ్డపై ఇప్పటివరకు టెస్టు సిరీస్ గెలవలేకపోయాం. ఈసారి గెలవడానికి ప్రయత్నిస్తాం. ఇంగ్లాండ్తో 2019లో జరిగిన యాషెస్ సిరీస్ను డ్రా చేసుకున్నాం. 2023లో వారి గడ్డపై వారిని ఓడిస్తామని అనుకుంటున్నా. ప్రస్తుతం నేను మంచి ఫామ్లో ఉన్నా. భవిష్యత్లో ఇదే ఫామ్ను కొనసాగిస్తానని అనుకుంటున్నా."