ముంబయిలోని వాంఖడే స్టేడియం వేదికగా మంగళవారం జరిగిన మ్యాచ్లో ఘోర పరాజయాన్ని ఎదుర్కొంది ఆర్సీబీ. హోరా హోరీగా జరిగిన ఈ మ్యాచ్లో ముంబయి ఇండియన్స్ ఆరు వికెట్ల తేడాతో గెలుపొందింది. ఓటమిని చవి చూస్తున్న ఆర్సీబీకి ఇప్పుడు మరో ఎదురు దెబ్బ తగిలింది. ఆ టీమ్లోని ఫినిషర్ దినేశ్ కార్తీక్ అనారోగ్యం పాలయ్యాడు. ఈ ఏడాది ఐపీఎల్ సీజన్ మొదలు నుంచి నుంచి డీకే అంతగా రాణించట్లేదు. ఫామ్ లేమి కారణం చేత కూడా అతను ట్రోల్కు సైతం గరయ్యాడు. అయితే గత రెండు మ్యాచుల్లో మాత్రం కొంచెం అద్భుత ప్రదర్శన చూపిస్తున్నట్లే కనిపించాడు. ముంబయితో జరిగిన మ్యాచ్లోనూ మంచి ఇన్నింగ్స్ ఆడాడు. ఈ క్రమంలో ఇటువంటి వార్త అభిమానులను ఆందోళన కలిగించేలా చేస్తోంది.
ముంబయితో జరిగిన మ్యాచ్లో కేవలం 18 బాల్స్లోనే 30 రన్స్ స్కోర్ చేసిన డీకే.. ఆర్సీబీ టార్గెట్ సాధించేందుకు తన వంతు కృషి చేశాడు. అయితే ఇన్నింగ్స్ 19వ ఓవర్లో ఔటైన ఈ స్టార్ పేసర్ పెవిలియన్ వెళ్లే సమయంలో తడబడ్డాడు. కిందకు వంగిపోతూ చాలా ఇబ్బందిగా మైదానాన్ని వీడాడు. ఇక ఆ తర్వాత జరిగిన ఇన్నింగ్స్లోనూ అతను ఆడలేదు. దీంతో అతని స్థానంలో అనూజ్ రావత్ వచ్చి.. కీపింగ్ చేశాడు. మరోవైపు దినేశ్ అనారోగ్యంపై ఆర్సీబీ కోచ్ సంజయ్ బంగర్ స్పందించారు. బ్యాటింగ్ చేస్తున్న సమయంలోనే దినేశ్.. డీహైడ్రేషన్‌కు గురయ్యాడని వెల్లడించారు. దీని వల్లనే అతను అనారోగ్యానికి గురైనట్లు తెలిపాడు.