ఇండియన్ ప్రీమియర్ లీగ్(ఐపీఎల్) ప్రారంభానికి రంగం సిద్ధమైంది. నేడు చెన్నై వేదికగా జరగనున్న తొలి మ్యాచ్లో రాయల్ ఛాలెంజర్స్ బెంగళూరుతో డిఫెండింగ్ ఛాంపియన్స్ ముంబయి ఇండియన్స్ తలపడనుంది. అయితే ప్రతి సీజన్లో ఆటగాళ్లు ఏదో ఒక రికార్డును నెలకొల్పుతున్న నేపథ్యంలో ఈసారి ఏఏ రికార్డులు సాధించే అవకాశం ఉందో తెలుసుకుందాం.
ఐపీఎల్ 2021లో సాధించనున్న సరికొత్త రికార్డులివే!
క్రికెట్ ప్రేమికులు ఎంతోగానో ఆసక్తిగా ఎదురుచూస్తున్న ఇండియన్ ప్రీమియర్ లీగ్ (ఐపీఎల్) ప్రారంభానికి రంగం సిద్ధమైంది. శుక్రవారం (ఏప్రిల్ 9) నుంచి టోర్నీ మొదలుపెట్టేందుకు నిర్వాహకులు సర్వం సిద్ధం చేశారు. టోర్నీలో భాగంగా నేడు చెన్నై వేదికగా రాయల్ ఛాలెంజర్స్ బెంగళూరు, ముంబయి ఇండియన్స్ జట్లు తలపడనున్నాయి.
ఈ మ్యాచ్లో డిఫెండింగ్ ఛాంపియన్స్ ముంబయి.. మరోసారి ట్రోఫీని దక్కించుకునేందుకు ఫేవరేట్గా బరిలో దిగనుంది. ప్రస్తుత సీజన్లో ఇద్దరు యువ క్రికెటర్లు కెప్టెన్గా బాధ్యతలు స్వీకరించారు. అదేవిధంగా గతేడాది జరిగిన సీజన్లో కోల్కతా నైట్రైడర్స్ జట్టుకు మధ్యలో సారథ్యం వహించిన ఇయాన్ మోర్గాన్ ఈసారి పూర్తి సీజన్కు కెప్టెన్గా వ్యవహరించనున్నాడు. ఐపీఎల్ చరిత్రలో ప్రతిసీజన్లో ఏవో సరికొత్త రికార్డులను నెలకొల్పే మన క్రికెటర్లు.. ఈసారి ఎలాంటి ఘనతలు సాధించనున్నారో పరిశీలిద్దాం.
ఐపీఎల్ ప్రస్తుత సీజన్లో నమోదు కానున్న రికార్డులు..
5-ఐపీఎల్ చరిత్రలో కెప్టెన్గా వ్యవహరిస్తున్న ఐదో అత్యంత పిన్న వయస్కుడిగా దిల్లీ క్యాపిటల్స్ సారథి రిషబ్ పంత్ నిలిచాడు. విరాట్ కోహ్లీ, స్టీవ్ స్మిత్, సురేశ్ రైనా, శ్రేయస్ అయ్యర్.. పంత్ కంటే తక్కువ వయసులోనే కెప్టెన్లుగా వ్యవహరించారు.
5-ఐపీఎల్ చరిత్రలో వరుసగా ఐదు సార్లు ప్లేఆఫ్స్కు అర్హత సాధించిన జట్టు సన్రైజర్స్ హైదరాబాద్. 2016 సీజన్లో ఈ జట్టు విజేతగా నిలవగా.. 2018లో రన్నరప్తో సరిపెట్టుకుంది.
2014-పంజాబ్ కింగ్స్ జట్టు కేవలం 2014 సీజన్లోనే ప్లేఆఫ్స్కు చేరింది. ఫైనల్లో కోల్కతా నైట్రైడర్స్ జట్టుపై పరాజయాన్ని చవిచూసి ఇంటిముఖం పట్టింది.
6000-ఐపీఎల్లో స్టార్ బ్యాట్స్మెన్ విరాట్ కోహ్లీ, సురేశ్ రైనా, డేవిడ్ వార్నర్, రోహిత్ శర్మ ప్రస్తుత సీజన్లో 6 వేల పరుగుల మైలురాయిని చేరుకునే అవకాశం ఉంది. ఈ జాబితాలో ఆర్సీబీ కెప్టెన్ కోహ్లీ అందరికంటే ముందున్నాడు.
ఆటగాడు
ఇన్నింగ్స్
రన్స్
సగటు
స్ట్రైక్ రేట్
విరాట్ కోహ్లీ
184
5878
38.16
130.73
సురేశ్ రైనా
189
5368
33.34
137.14
డేవిడ్ వార్నర్
142
5254
42.71
141.54
రోహిత్ శర్మ
195
5230
31.31
130.61
శిఖర్ ధావన్
175
5197
34.41
126.87
8-ఆర్సీబీ కెప్టెన్ విరాట్ కోహ్లీ ఐపీఎల్లో ఇప్పటివరకు 192 మ్యాచ్లు(ఒకే జట్టులో) ఆడాడు. ప్రస్తుత సీజన్లో మొదటి నుంచి ఒకే జట్టులో ఉండి 200 మ్యాచ్లు ఆడిన మైలురాయిని విరాట్ చేరుకునే అవకాశం ఉంది. కోహ్లీ కంటే ముందు సీఎస్కే కెప్టెన్ ధోనీ, ముంబయి ఇండియన్స్ కెప్టెన్ రోహిత్ శర్మ ఈ ఘనతను సాధించినా.. వీరిద్దరూ ఐపీఎల్లో రెండు టీమ్లకు ప్రాతినిధ్యం వహించారు.
349-ఐపీఎల్ కెరీర్లో క్రిస్ గేల్ ఇప్పటివరకు 349 సిక్సర్లు బాదాడు. టోర్నీలో అత్యధిక సిక్సర్లు బాదిన జాబితాలో గేల్ అగ్రస్థానంలో నిలిచాడు. ప్రస్తుత ఐపీఎల్లో మరో సిక్సర్ కొడితే మొత్తంగా 350 సిక్సర్ల మైలురాయికి చేరుకునే అవకాశం ఉంది.
ఆటగాడు
ఇన్నింగ్స్
పరుగులు
సగటు
సిక్సర్లు
క్రిస్ గేల్
131
4772
41.13
349
ఏబీ డివీలియర్స్
156
4849
40.4
235
ఎమ్ఎస్ ధోనీ
182
4632
40.99
216
రోహిత్ శర్మ
195
5230
31.31
213
విరాట్ కోహ్లీ
184
5878
38.16
201
591-ఐపీఎల్లో అత్యధిక బౌండరీలు బాదిన బ్యాట్స్మన్గా శిఖర్ ధావన్ అగ్రస్థానంలో కొనసాగుతున్నాడు. మరో 9 ఫోర్లు కొడితే టోర్నీలో 600 ఫోర్లు కొట్టిన ఏకైక క్రికెటర్గా ధావన్ నిలుస్తాడు.
ఆటగాడు
ఇన్నింగ్స్
పరుగులు
సగటు
100/50
ఫోర్లు
శిఖర్ ధావన్
175
5197
34.41
2/41
591
డేవిడ్ వార్నర్
142
5254
42.71
4/48
510
విరాట్ కోహ్లీ
184
5878
38.16
5/39
503
సురేశ్ రైనా
189
5368
33.34
1/38
493
గౌతమ్ గంభీర్
152
4217
31.23
0/36
491
6.24-ఐపీఎల్ చరిత్రలో అతి తక్కువ ఎకానమీ నమోదు చేసిన బౌలర్గా సన్రైజర్స్ హైదరాబాద్ స్పిన్నర్ రషీద్ ఖాన్ నిలిచాడు. 6.24 ఎకానమీతో ఒకే సీజన్లో అత్యధికంగా 21 వికెట్లు పడగొట్టాడు. ప్రస్తుత సీజన్లో సన్రైజర్స్ జట్టుకు రషీద్ కీలకం కానున్నాడు.
