Ind vs Sa 1st ODI 2023 :సౌతాఫ్రికా పర్యటనలో భాగంగా జరుగుతున్న తొలి వన్డేలో టీమ్ఇండియా బౌలర్లు బెంబేలెత్తించారు. టాస్ గెలిచి బ్యాటింగ్ ఎంచుకున్న ఆతిథ్య జట్టును 27.3 ఓవర్లలో 116 పరుగులకే ఆలౌట్ చేశారు. యంగ్ పేసర్లు అర్షదీప్ సింగ్ 5, ఆవేశ్ ఖాన్ 4 వికెట్ల ప్రదర్శనతో సఫారీ గడ్డపై నిప్పులు చెరిగారు. కుల్దీప్ యాదవ్ ఒక వికెట్ దక్కించుకు్న్నాడు. వీరి దెబ్బకు సౌతాఫ్రికా బ్యాటింగ్ ఆర్డర్ విలవిల్లాడింది. ఏకంగా ఏడుగురు బ్యాటర్లు సింగిల్ డిజిట్కు పరిమితమయ్యారు.
టాస్ నెగ్గి బ్యాటింగ్కు దిగిన సౌతాఫ్రికాకు ఆరంభం నుంచే అర్షదీప్ చుక్కలు చూపించాడు. ఇన్నింగ్స్ రెండో ఓవర్లోనే ఓపెనర్ రీజా హెండ్రిక్స్ (0)ను డకౌట్ చేయగా, మరుసటి బంతికే వన్డౌన్లో వచ్చిన రస్సీ వాన్ డర్ డస్సెన్ (0)ను పరుగుల ఖాతా తెరవనివ్వలేదు. దీంతో సఫారీ జట్టు 3 పరుగులకే 2 కీలక వికెట్లు కోల్పోయింది. తర్వాత మరో ఓపెనర్ టోని డి జోర్జీ (28) కాసేపు వికెట్ల పతనం అడ్డుకున్నా 7.5 బంతికి అర్షదీప్ మరోసారి టీమ్ఇండియాకు బ్రేక్ ఇచ్చాడు. కాసేపటికే హెన్రిచ్ క్లాసెన్ (6)ను క్లీన్బౌల్డ్ చేసి 10 ఓవర్లలోపే సౌతాఫ్రికా 4 వికెట్లు కూల్చాడు. ఇక 11 ఓవర్ బౌలింగ్ చేసిన ఆవేశ్ ఖాన్, వరుస తొలి రెండు బంతుల్లో ఎయిడెన్ మర్క్రమ్ (12), వియాన్ ముల్దార్ (0)ను పెవిలియన్ చేర్చి సౌతాఫ్రికాను కోలుకొని దెబ్బకొట్టాడు.