తన నటన చతురతతో సినీ అభిమానులను మెప్పించే నటి సమంత.. ఇప్పుడు దయార్ద్ర హృదయం చాటుకుంది. గతంలో ఒక పేద మహిళకు ఇచ్చిన వాగ్దానాన్ని ప్రస్తుతం నిలబెట్టుకుంది. పేదరికంతో పోరాడుతూ ఆటో నడుపుకుంటున్న ఓ మహిళకు రూ.12.5 లక్షల విలువైన కారును బహుమతిగా ఇచ్చింది.
ఇదీ చదవండి:రూ. 6.5 కోట్ల సెట్‌లో.. 'శ్యామ్‌ సింగరాయ్‌'
మహమ్మారి వల్ల పేదరికంతో పోరాడుతున్న సంగారెడ్డి జిల్లాకు చెందిన కవిత అనే మహిళ ఈ ఏడాది ఆరంభంలో సమంతను కలిసింది. తాను గృహహింసకు గురయ్యానని.. తన తల్లిదండ్రులు చనిపోయినట్లు వెల్లడించింది. మియాపూర్ నుంచి బాచుపల్లికి ఆటో నడుపుతూ తన ఏడుగురు తోబుట్టువులను పోషించుకుంటున్నట్లు తెలిపింది. ఆ మహిళ కష్టాలు విని చలించిపోయిన నటి.. ఆమెకొక కారును బహుమతిగా ఇస్తానని మాట ఇచ్చింది. తాజాగా తన వాగ్దానాన్ని నిలబెట్టుకుంది సమంత. స్విఫ్ట్ డిజైర్ కారును గిఫ్ట్గా ఇచ్చి మంచి మనసును చాటుకుంది. సమంత చేసిన పనికి నెటిజన్లు ప్రశంసలు కురిపిస్తున్నారు.
కాగా, ప్రస్తుతం నీలిమా గుణ, దిల్రాజు సంయుక్తంగా నిర్మిస్తున్న పౌరాణిక చిత్రం 'శాకుంతలం'లో సమంత నటిస్తోంది.
ఇదీ చదవండి:కేఎల్ రాహుల్కు తన ప్రేయసి స్పెషల్ విషెస్!
