రవితేజ కథానాయకుడిగా సుధీర్‌ వర్మ దర్శకత్వంలో 'రావణాసుర' అనే చిత్రం రూపొందనుంది. అభిషేక్‌ నామా నిర్మిస్తున్నారు. ఇప్పటికే అధికారికంగా ప్రకటించిన ఈ సినిమా.. సంక్రాంతి సందర్భంగా జనవరి 14న పూజా కార్యక్రమాలతో లాంఛనంగా ప్రారంభం కానుంది. ఈ నేపథ్యంలోనే చిత్ర తారాగణాన్ని ఖరారు చేసే పనిలో పడింది చిత్రబృందం.
ఇందులో రవితేజ కోసం ఓ శక్తిమంతమైన లేడీ విలన్ పాత్రను తీర్చిదిద్దినట్లు తెలిసింది. ఇప్పుడా పాత్ర కోసం దక్షా నగార్కర్‌ను ఎంపిక చేసినట్లు సమాచారం. ఇప్పటికే కథా చర్చలు పూర్తయ్యాయని.. తన పాత్ర నచ్చడం వల్ల సినిమా చేసేందుకు దక్షా ఒకే చెప్పిందని ప్రచారం వినిపిస్తోంది.