Prabhas Project K: పాన్‌ ఇండియా స్టార్‌ ప్రభాస్తో తెరకెక్కిస్తోన్న 'ప్రాజెక్ట్ కె' కోసం ప్రముఖ వ్యాపారవేత్త ఆనంద్‌ మహీంద్రా సహాయం కోరారు దర్శకుడు నాగ్‌ అశ్విన్‌. భారీ బడ్జెట్‌తో సైన్స్‌ ఫిక్షన్‌ థ్రిల్లర్‌గా రూపుదిద్దుకుంటోన్న ఈ చిత్రానికి సాంకేతిక సాయం కావాలని అడిగారు. ఈ మేరకు శుక్రవారం ఉదయం ఆనంద్‌ మహీంద్రాను ట్యాగ్‌ చేస్తూ నాగ్‌ అశ్విన్‌ వరుస ట్వీట్లు చేశారు.
"డియర్‌ ఆనంద్‌ మహీంద్రా సర్‌.. ఎన్నో విషయాల్లో మీ నుంచి ప్రేరణ పొందాను. ప్రస్తుతం నేను.. అమితాబ్‌ బచ్చన్‌, ప్రభాస్, దీపికా పదుకొణె ప్రధాన తారాగణంగా 'ప్రాజెక్ట్ కె' అనే ఒక ఇండియన్‌ సైన్స్‌ ఫిక్షన్‌ చిత్రాన్ని తెరకెక్కిస్తున్నాను. ప్రస్తుతం ఉన్న టెక్నాలజీని మించి, ఎంతో అధునాతనమైన, విభిన్నమైన వాహనాలను ఈ సినిమా కోసం మేము రూపొందిస్తున్నాం. ఒకవేళ మా కల నిజమైతే.. అది మన దేశానికే గర్వకారణంగా నిలుస్తుంది. భారతదేశంలో మునుపెన్నడూ ఇలాంటి సినిమా రాలేదు. అందుకే ఈ చిత్రాన్ని మేము ఎంతో ప్రతిష్ఠాత్మకంగా భావిస్తున్నాం. కాబట్టి, ఇంజినీర్ల విషయంలో మీ నుంచి మాకు ఏదైనా సాయం ఉంటే నేను ఎంతో సంతోషిస్తాను" అని నాగ్‌ అశ్విన్‌ పేర్కొన్నారు.
మహీంద్రా స్పందన..