మూవీ ఆర్టిస్ట్ అసోసియేషన్ అధ్యక్షుడిగా మంచు విష్ణు ప్రమాణం స్వీకారం చేశారు. హైదరాబాద్లో శనివారం ఈ కార్యక్రమం జరిగింది. ఈ సందర్భంగా విష్ణు తండ్రి, సీనియర్ నటుడు మోహన్బాబు పలు ఆసక్తికర వ్యాఖ్యలు చేశారు.
''మా' లో మేమంతా ఒకే తల్లి బిడ్డలం. కళామతల్లి బిడ్డల్లో ఐక్యత లోపించింది. టీవీలకు వెళ్లి మనుషులను రెచ్చగొట్టొద్దు. ఎన్నికల అధికారి పక్షపాతం లేకుండా వ్యవహరించారు. 'మా' రాజకీయ వేదిక కాదు, కళాకారుల వేదిక. సినీ పరిశ్రమలో రాజకీయాలు ఎక్కువైపోయాయి. సినీ పరిశ్రమలో గెలుపు ఓటములు సహజం. 'మా' కుర్చీలో కూర్చున్న వ్యక్తిని గౌరవించాలి. నా బిడ్డను మీ చేతుల్లో పెడుతున్నా. అందరం కలిసి మెలిసి ఉందాం. దేశం గర్వించేలా 'మా'ను తీసుకెళ్లాలి. త్వరలోనే ఏపీ సీఎం జగన్‌ను కూడా కలుస్తాం. విష్ణు మొదట సీఎం కేసీఆర్‌ను కలవాలి. కేసీఆర్ కళాకారులకు ఎంతో సహాయం చేస్తారు. నేను కూడా వెళ్లి సీఎం కేసీఆర్‌ను కలుస్తాను" అని మోహన్బాబు చెప్పారు.