కీర్తిసురేశ్ నటించిన 'గుడ్లక్ సఖి'(Keerthi suresh good luck sakhi movie) సినిమా సెన్సార్ పనులను పూర్తి చేసుకుంది. 'యు' సర్టిఫికేట్ను సంపాదించుకుంది. ఈ సినిమాలో జగపతిబాబు, ఆది పినిశెట్టి కీలకపాత్రలు పోషించారు. నగేశ్ కుకునూర్ దర్శకత్వం వహించారు. దేవీశ్రీ ప్రసాద్ సంగీతమందించారు.
'రాజా వారు రాణీగారు', 'ఎస్ ఆర్ కళ్యాణమండపం' చిత్రాలతో మంచి గుర్తింపు తెచ్చుకున్న యువనటుడు కిరణ్ అబ్బవరం. విభిన్నమైన కథలను ఎంపిక చేసుకుంటూ ప్రేక్షకులను అలరిస్తోన్న కిరణ్.. తాజాగా ప్రముఖ అగ్ర నిర్మాణ సంస్థ మైత్రీ మూవీ మేకర్స్, క్లాప్ ఎంటర్ టైన్ మెంట్స్ లో కొత్త చిత్రాన్ని మొదలుపెట్టాడు. రమేష్ కాదూరి దర్శకుడిగా పరిచయం చేస్తూ మైత్రీ మూవీ మేకర్స్ హైదరాబాద్ లోని నిర్మాణ సంస్థలో పూజా కార్యక్రమాలతో చిత్రాన్ని ప్రారంభించింది. ప్రముఖ దర్శకుడు కొరటాల శివ క్లాప్ కొట్టగా మరో దర్శకుడు బాబీ కెమెరా స్విచ్ఛాన్‌ చేశారు. డైరెక్టర్‌ మలినేని గోపీచంద్‌ ముహూర్తపు సన్నివేశానికి గౌరవ దర్శకత్వం వహించారు.పక్కా మాస్ ఎంటర్ టైనర్ గా తెరకెక్కనున్న ఈ చిత్రానికి చెర్రీ, హేమలత నిర్మాతలు కాగా... నవీన్ ఎర్నేని, రవిశంకర్ యలమంచిలి సమర్పకులుగా వ్యవహరిస్తున్నారు.
అమితాబ్ బచ్చన్, అజయ్ దేవగణ్, రకుల్ ప్రీత్ సింగ్ కలిసి నటిస్తున్న 'మేడే' సినిమాకు కొత్త టైటిల్ ఖరారైంది(rakul preet singh amitabh bachchan). 'రన్వే 34' అని టైటిల్ పెట్టింది చిత్రబృందం. దీనికి సంబంధించిన పోస్టర్లను విడుదల చేసింది. ఆకాంక్ష సింగ్, బొమన్‌ ఇరానీ తదితరులు కీలక పాత్రలు పోషిస్తున్నారు. ఏడీఎఫ్‌ ఫిల్మ్స్‌ సంస్థ నిర్మిస్తున్న ఈ చిత్రం 2022 ఏప్రిల్‌ 29న ప్రేక్షకుల ముందుకురానుంది. ఈ మూవీకి అజయ్ దేవగణ్ దర్శకత్వం వహిస్తున్నారు. అజయ్ దేవ్‌గణ్‌కి దర్శకత్వం కొత్తేం కాదు. గతంలోనూ 'యు మీ ఔర్‌ హమ్‌', 'శివాయ్‌' చిత్రాలకు డైరెక్షన్‌ చేశారు.